E fundit!

08:12 Politikë

“I shari shan, i mençuri mendon”/ Rama ndan mesazhin e qytetarit

Kryeministri Edi Rama ka ndarë në rrjetet sociale postimin...

"Erdhën për të hedhur uzinën në erë, vendosën çipa brenda"/ Flasin banorët e zonës pranë Uzinës së Gramshit

21 Gusht 2022, 08:50, Aktualitet CNA

Nderim Balliu, banor i zonës

Rreth orës 17:40 të së shtunës 3 shtetas rus kanë tentuar të hyjnë në uzinën e armëve në Gramsh.

Gazetari i "Euronews Albania", Xhensil Shkëmbi, raportoi mëngjesin e së dielës nga uzina e armëve në Gramsh, ku njëra nga banorët e zonës rrëfeu çfarë kishte parë një ditë më parë.

Fatmira Shaipi, banesa e së cilës ndodhet shumë pranë uzinës, tregoi se makinën me të cilën lëviznin shtetasit rus e kishte parë të paktën 2 herë gjatë ditës së djeshme.

“Makinën e kam parë dy herë dje, një herë para shiut një herë pas shiut. Kur dolëm, pamë që bërtisnin ushtarët, të cilëve u kishte ikur i huaji (rusi)”, tregoi banorja e zonës.

Ajo tregoi se shtetasi rus që u kishte hedhur spraj ushtarëve të uzinës dhe më pas ishte kapur prej tyre, ishte i veshur me pantallona të shkurtra, kapele dhe çantë.

Në ish-uzinën e Gramshit nuk lejohet hyrja e civilëve, ndaj ushtarët i kanë kërkuar dokumentet shtetasit të huaj, por ky i fundit ka hedhur spraj në drejtim të ushtarit duke e neutralizuar.

Ndërsa Nderim Balliu, një tjetër banor i zonës pranë uzinës së armëve në Gramsh rrëfeu mes lotësh, frikën e përjetuar një ditë më parë kur 3 shtetas rusë tentuan të hynin në uzinë.

Ai tregoi se brenda ambienteve të uzinës ka ende shumë municione të pahequra, të cilat siç tha nëse shpërthejnë mund të shkaktojnë një katastrofë të vërtetë.

“Dëgjuam që kishin ardhur tre rusë, kishin tri ditë që vinin vërdallë po s’ua vumë veshin se tani është periudha që ka shumë emigrantë. Aty është barut e dinamit, të hysh aty hedh në erë gjithë qytetin. Njëri nga rusët kishte hyrë brenda, njërin e kapën. Kishte çantën, aparatin, çipa, që thonë se i ka vënë brenda në uzinë, po këta (ushtarët) s’tregojnë. Ata kanë ardhur vetëm për ta hedhur në erë”, tha banori i zonës, ish-punonjës i uzinës së armëve.

Ai u përlot teksa tha se ngjarja i kishte tmerruar fëmijët, të cilët ishin mbledhur të gjithë tek ai një ditë më parë./euronews