web counter
LEXO PA REKLAMA!

SHKARKO APP

App Store
Google Play

E fundit!

x

E Kremtja e Shën Gjergjit/ Kryepiskopi Joan: Jeta e shenjtorëve ndez në shpirtin tonë dritën e besimit

23 Prill 2026, 10:47, Aktualitet CNA

Ditën e sotme besimtarët orthodhoksë kremtojnë Ditën e Shën Gjergj Trofeprurësit.

Në këtë ditë, Kryepiskopi i Tiranës, Durrësit dhe gjithë Shqipërisë, Joani, ka drejtuar liturgjinë hyjnore në kishën e “Shën Gjergjit” në Durrës.

Fortlumturia e Tij, Joani, në predikimin e tij bëri thirrje për të lexuar vazhdimisht jetët e shenjtorëve si një ushqim shpirtëror. Kryepiskopi u shpreh se duke lexuar jetët e shenjtorëve mund të fillojmë të modelohemi sipas tyre dhe mund të ndizet në shpirt drita e besimit.

Duke u ndalur te figura e Shën Gjergjit, Fortlumturia e Tij tha se jeta e tij nuk ishte jeta e një heroi tragjik, por e dikujt që e dinte se Zoti e kishte mundur vdekjen.

 

“Ne i lexojmë jetët e shenjtorëve si një ushqim shpirtëror. Duhet t’i lexojmë vazhdimisht sepse duke i lexuar ata mund të fillojmë të modelohemi sipas tyre. Duke lexuar jetët e shenjtorëve mund të ndizet në shpirtin tonë drita e besimit.

Jetojmë në një kohë që njerëzit janë materialistë dhe harrojnë se një ditë do t’i lënë të gjitha këto. Suksesi në botën shpirtërore është i përjetshëm.

Zoti në Ungjill na ka thënë se nëse keni besim të vërtetë dhe helm t’u japin nuk do të helmoheni. Jeta e Shën Gjergjit nuk ishte jeta e një heroi tragjik, e dinte që Zoti e kishte mundur vdekjen. Ringjallja e Krishtit është një fitore e madhe, fitoret e tjera janë gjysmake.

Besimi i vërtetë është me veprat tona, me ndriçimin shpirtëror. Çdo ditë që kujtojmë Shën Gjergjin të kujtojmë dhe jetën e tij”, tha Fortlumturia e Tij.  





Lajmet e fundit nga