web counter
LEXO PA REKLAMA!

SHKARKO APP

App Store
Google Play

Mbyllen hetimet për një tentativë vrasjeje/ Prokuroria e Fierit dërgon në gjyq babë e bir

23 Prill 2026, 10:33, Aktualitet CNA

Mbyllen hetimet për një tentativë vrasjeje/ Prokuroria e Fierit

Prokuroria e Fierit përfundoi hetimet dhe vendosi të dërgojë në gjyq shtetasit A.C. dhe A.C., babë e bir, për veprën penale ‘Vrasja me paramendim’ kryer në bashkëpunim e mbetur në tentativë' dhe ‘Mbajtja pa leje dhe prodhimi i armëve, armëve shpërthyese dhe i municionit’.

Nga hetimet, rezultoi e provuar se të pandehurit A.C. dhe A.C., për shkak të një konflikti të mëparshëm midis të pandehurit A.C. (i biri/djali) dhe viktimës H.M., në drejtimin e dy automjeteve të ndryshme, i kanë zënë pritë viktimës H.M., i cili po lëvizte me një motomjet së bashku me nënën e tij S.M., duke e qëlluar 9 herë gjatë kohës që ishin në lëvizje me automjetet respektive.

"Konkretisht, i pandehuri A.C., pak përpara se të ndodhte ngjarja ka qenë së bashku me të atin e tij, të pandehurin A.C. Gjatë kësaj kohe janë shkëmbyer në rrugë me viktimën H.M dhe konstatuar itenerarin e tij të lëvizjes. Në këto rrethana, dy të pandehurit së bashku kanë përgatitur kushtet për kryerjen e veprës penale dhe kryer atë. I pandehuri A.C., nën drejtimin e automjetit tip “Toyota”, ka qëlluar me armën zjarri  kundrejt viktimave, kurse i pandehuri tjetër A.C., nën drejtimin e automjetit tip “Mercedes-Benz”, ka qëlluar me armën tip pistoletë kundrejt viktimave",-theksohet në njoftim./CNA

 





Lajmet e fundit nga