E fundit!

20:21 Aktualitet

Protestuesit nuk harrojnë Veliajn: I erdhi radha e burgut, të mos lirohet

Protestuesit që mbajnë fjalimet e tyre para Kryeministrisë...

"Duhet pranuar se është politike"/ Kikia për protestën para Kryeministrisë: Ja kur mund të përçahet

2 Qershor 2026, 21:30, Aktualitet CNA

"Duhet pranuar se është politike"/ Kikia për

Gazetari Mentor Kikia ka folur mbrëmjen e sotme lidhur me protestën që po zhvillohet prej tre ditësh për ngjarjet në Zvërnec.

I ftuar në “Now me Erla Mëhillin” në Euronews Albania, Kikia tha se njerëzit duhet të pranojnë se kjo është një protestë politike duke nisur nga kërkesa për dorëheqjen e kryeministrit Edi Rama. Por nga ana tjetër theksoi se se nuk është partiake.

Ndër të tjera, gazetari u shpreh se protesta rrezikon të përçahet në momentin që do duhet të ngrihet një grup përfaqësuesish për dialog. Kjo sepse sipas tij të gjithë do duan të jenë drejtues.

"Kjo është protestë thellësisht politike, por nuk është partiake. Pjesëmarrja dhe mënyra e organizimit është një adrenalinë rinore. Aty ku kishte dhe të mitur përveç të rinjve. Shumë pak prej tyre mund të jenë me ndjeshmëri mjedisore. Këtë frymën e kësaj protestë e ndjeu Edi Rama.

Nga opozita nuk u shqetësua fare.Këtyre nuk u nxjer dot as policinë dhe as tymin lotsjellës. Kjo nuk është protestë e mbledhur derë më derë. Rama i ftoi hajde të bisedojmë.

Tani pjesa më e vështirë, është se çfarë do të prodhojë kjo protestë. Çfarë mund të prodhojë kjo protestë është çështja kryesore? Ajo që e bën protestën të bukur është se nuk ka organizatorë. Do duhet që shumë shpejt kjo protestë të ketë një axhendë, ku të shkruhet një listë më disa kërkesa dhe t’ja dërgojnë kryeministrit.

Në momentin kur do duhet që të ngrihet një grup përfaqësuesish rrezikon që kjo protestë të përçahet. Sapo të nisë përçarja do nisin dhe teoritë konspirative, siç ndodhi më protestën e studentëve”, u shpreh Kikia. /CNA