web counter
LEXO PA REKLAMA!

SHKARKO APP

App Store
Google Play

“Do shkoni në satër”/ Gazetarit Piro Nase i kërcënojnë edhe vajzën e mitur, reagim nga AGSH

2 Tetor 2025, 18:25, Aktualitet CNA

“Do shkoni në satër”/ Gazetarit Piro Nase i

Gazetari Piro Nase është kërcënuar sërish, pasi më parë u kanos përmes telefonit për shkak të detyrës nga djali i shefit të Krimeve të Komisariatit të Përmetit, Dhurim Çenko. 

Ky është rasti i dytë, pasi gazetari bëri kallëzim penal për kërcënimet nga 21-vjeçari.

Kërcënimet e bëra sot ndaj gazetarit lidhen me vajzën e tij të mitur. Një person ka telefonuar të bijën me numër të fshehtë duke i kërkuar llogari se pse kanë denoncuar.

“Do ta shikoni si familje ku do të shkoni të gjithë në satër”,-thotë kërcënuesi.

Lidhur me këtë zhvillim, Asociacioni i Gazetarëve të Shqipërisë ka reaguar sot sërish.

Përmes një deklaratë të rastit, AGSH kërkon reagimin urgjent të autoriteteve dhe sigurimin mbrojtjes së gazetarit Piro Nase.

Reagimi i AGSH:

Reagim për thellimin e kërcënimeve ndaj gazetarit Pirro Nase.

Fatkeqësisht, sulmet ndaj gazetarit të Report Tv, Pirro Nase nuk janë ndalur, pavarësisht denoncimit të kërcënimeve në polici dhe publikimit të të dhënave.

AGSH është njohur sot nga gazetari më kërcënimin e vajzës së tij nga familjarë të një punonjësi policie për të cilin Nase ka raportuar.

Ky është një akt i rëndë për të cilën autorët e dyshuar duhet të mbajnë përgjegjësi.

Ne bëjmë thirrje për veprime të menjëhershme të autoriteteve shtetërore dhe sigurimin e mbrojtjes së gazetarit dhe lejimin e tij të kryejë detyrën pa frikësim dhe pengesa.

AGSH solidarizohet me kolegun Pirro Nase dhe familjen e tij në këto momente.

Gjejmë rastin të apelojmë për gazetari të përgjegjshme dhe etike./CNA

 





Lajmet e fundit nga