web counter
LEXO PA REKLAMA!

SHKARKO APP

App Store
Google Play

Dita e Alfabetit/ Rama: Fjala shqipe vazhdon të ndërtojë historinë e një kombi që shpirtin e ka te gjuha

22 Nëntor 2025, 08:26, Aktualitet CNA

Dita e Alfabetit/ Rama: Fjala shqipe vazhdon të ndërtojë

Dita e Alfabetit të Gjuhës Shqipe festohet çdo vit më 22 nëntor, për të përkujtuar një nga ngjarjet më të rëndësishme në historinë kulturore dhe kombëtare të shqiptarëve, Kongresin e Manastirit, mbajtur nga 14 deri më 22 nëntor 1908.

Në këtë kongres morën pjesë 50 delegatë nga 26 qytete dhe shoqata të ndryshme të shqiptarëve, si dhe 18 vëzhgues. Delegatët përfaqësonin klube patriotike dhe intelektualë nga të gjitha trojet shqiptare.

Kryetar i Kongresit ishte Mit’hat Frashëri, ndërsa nënkryetarë u zgjodhën Luigj Gurakuqi dhe Gjergji Qiriazi. Ndër delegatët e tjerë të shquar ishin Gjergj Fishta, Ndre Mjeda, Sotir Peci, Parashqevi Qiriazi dhe Fehim Zavalani. Në fjalimin e hapjes u theksua rëndësia e krijimit të një alfabeti unik për të unifikuar gjuhën shqipe dhe për të ndihmuar në përhapjen e arsimit kombëtar.

Në kuadër të kësaj dite kryeministri Edi Rama ka përcjellë një mesazh urimi për të gjithë shqiptarët.

Përmes një postimi në rrjetet sociale Rama shkruan:

“MIRËMËNGJES dhe gëzuar Ditën e Alfabetit, ditën që vulosi shqipen jo vetëm si kod gjuhësor, por si një univers identiteti, mendimi e kulturash në rrugën drejt së ardhmes ku fjala shqipe vazhdon të ndërtojë historinë e një kombi që shpirtin e ka te gjuha”./ CNA





Lajmet e fundit nga