web counter
LEXO PA REKLAMA!

SHKARKO APP

E fundit!

x

“Punë e shkëlqyer dhe besim i lartë te publiku”/ Autoritetet gjermane takojnë prokurorët e SPAK-ut

21 Nëntor 2025, 16:27, Aktualitet CNA

“Punë e shkëlqyer dhe besim i lartë te publiku”/

Drejtuesi i Seksionit kundër Krimit të Organizuar në Prokurorinë e Posaçme, Adnan Xholi, mirëpriti këtë të premte një delegacion të nivelit të lartë nga Gjermania, të kryesuar nga Sekretarja e Shtetit pranë Ministrisë së Drejtësisë dhe Mbrojtjes së Konsumatorit, njëherësh edhe Kryetare e Fondacionit për Bashkëpunim Juridik (IRZ), Annette Kramme.  

Në takim ishte i pranishëm edhe Ambasadori i Republikës Federale të Gjermanisë në Shqipëri, Karl Bergner, si dhe prokurorët e SPAK: Alfred Shehu, Bledar Maksuti, Ened Nakuçi dhe Ols Dado.

Sekretarja Kramme vlerësoi punën e SPAK, që e cilësoi si të shkëlqyer dhe besimin e lartë që ky institucion gëzon tek publiku, duke theksuar rëndësinë e rolit të tij në forcimin e shtetit të së drejtës në Shqipëri, siç bëhet me dije përmes një njoftimi për shtyp.

Gjatë takimit u diskutua mbi bashkëpunimin e suksesshëm ndër vite mes agjencive ligjzbatuese shqiptare dhe atyre gjermane, përmes skuadrave të përbashkëta hetimore dhe hetimeve paralele në luftën kundër krimit të organizuar, pastrimit të parave dhe mashtrimit kompjuterik, si edhe mbi mundësitë për forcimin dhe zgjerimin e këtij bashkëpunimi në të ardhmen.

Delegacioni gjerman, i kryesuar nga Kramme, garantoi mbështetjen e vazhdueshme për punën dhe misionin e SPAK, duke nënvizuar angazhimin e përbashkët për rritjen e efektivitetit në luftën kundër krimit të organizuar dhe korrupsionit./CNA





Lajmet e fundit nga