web counter
LEXO PA REKLAMA!

SHKARKO APP

App Store
Google Play

E fundit!

x

Lamallari mbledh drejtorët e burgjeve/ Zbardhen porositë

21 Nëntor 2025, 18:07, Aktualitet CNA

Lamallari mbledh drejtorët e burgjeve/ Zbardhen porositë

Ministri i Drejtësisë, Besfort Lamallari, zhvilloi këtë të premte, një mbledhje me të gjithë drejtorët e burgjeve të vendit për të diskutuar mbi ecurinë e sistemit penitenciar, sigurinë, kushtet e punës dhe përpjekjet për të përmirësuar standardet në trajtimin e të burgosurve dhe të paraburgosurve.

Gjatë fjalës së tij, Lamallari njoftoi se me buxhetin e ri do të kryhet indeksimi i pagave për të gjithë punonjësit e sistemit të burgjeve, si dhe një rritje të pagave për personelin shëndetësor në IEVP-të e vendit, konkretisht plus 12 mijë lekë për mjekët dhe 55 mijë lekë për infermierët. “Vëmendja e qeverisë për policinë dhe stafin e burgjeve nuk ka munguar dhe nuk do të mungojë”, tha ministri.

Një tjetër çështje e rëndësishme e diskutuar ishte mbyllja e IEVP Bënçë në Tepelenë, një vendim i pashmangshëm për shkak të kushteve të papranueshme të trajtimit dhe sigurisë, të evidentuara edhe nga Komiteti Evropian për Parandalimin e Torturës. Lamallari theksoi se vendimi ishte i drejtë dhe i nevojshëm për t’u përshtatur me standardet e Bashkimit Evropian. Punonjësve të këtij institucioni u është ofruar mundësia e vazhdimit të shërbimit në burgje të tjera, duke filluar me Fierin, me transport falas të garantuar.

Ministri gjithashtu përmendi masterplanin e burgjeve, i cili synon transformimin e sistemit të menaxhimit të këtij sektori dhe afrimin e standardeve me ato të Bashkimit Evropian. Ai njoftoi se gjatë vizitës së tij në Itali kishte diskutuar me homologun italian, Carlo Nordio, për mbështetje në projekte teknologjike dhe rehabilituese për të përmirësuar sistemin penitenciar.

“Ne duhet të kemi një sistem të ngjashëm me standardet e BE për trajtimin e të burgosurve”, u shpreh Lamallari, duke vënë theksin te siguria, respektimi i ligjit dhe përmirësimi i kushteve të punës./ CNA





Lajmet e fundit nga