web counter
LEXO PA REKLAMA!

SHKARKO APP

App Store
Google Play

E fundit!

x

Dhunohet biznesmeni në Fushë-Krujë/ Balla nxjerr videon: Alarm zgjimi për policinë

9 Shtator 2023, 19:48, Aktualitet CNA

Dhunohet biznesmeni në Fushë-Krujë/ Balla nxjerr videon: Alarm

Ministri i Brendshëm ka shkuar në Fushë-Krujë, ku është denoncuar një rast dhune nga familjarët e një biznesmeni.

Balla ka publikuar videon e rastit të dhunës dhe bën të ditur se ishte një qytetare që e vuri në dijeni se bashkëshorti i saj ishte rrahur barbarisht nga disa persona.

Qytetarja kishte denoncuar se policia nuk kishte vepruar sipas ligjit.

Ministri deklaron se policia po kryen veprimet e menjëhershme, pas marrjes së pamjeve filmike të dhunës, ndërsa AMP po verifikon veprimet ose mos-veprimet e policisë vendore.

"Skena e shëmtuar e Fushë-Krujës në korrik ishte një alarm zgjimi për Policinë e Shtetit dhe që nxorri në pah tolerancën e papranueshme të policisë jo vetëm në atë zonë, por edhe zona të tjera periferike të vendit, e cila jo në të gjitha rastet reagon menjëherë dhe me forcë, duke u sjellë si e fortë me të dobëtit dhe e dobët me të fortët. E falenderoj Valbonën, një banore të Fushë-Krujës, e cila besoi tek unë duke më dërguar mua personalisht një skenë të ngjashme dhune në oborrin e shtëpisë/biznesit të saj familjar, ku ishte dhunuar barbarisht bashkëshorti i saj nga disa persona. Policia e Shtetit po kryen veprimet e menjëhershme, pas marrjes së pamjeve filmike ndërsa AMP po verifikon veprimet ose mos-veprimet e policisë vendore.

Vajta menjëherë sapo mora mesazhin dhe u takova me familjen e Valbonës në Fushë-Krujë, të cilëve Policia e Shtetit duhet t’i garantojë mbështetje dhe se do të bëjmë gjithçka që në territorin e kësaj republike të mos më ketë feude apo bajraqe, ku mbi ligjin dhe mbi qytetarët të jenë të fortët dhe nuk mund të ketë individë më të fortë, sesa e bardha e vijave të rrugës apo e kuqja e ngjyrës së semaforëve. Në çdo komunitet të Shqipërisë duhet të ketë rend ligjor dhe siguri për të gjithë, nën kujdesin dhe me garancinë e Policisë së Shtetit", shkruan Balla në rrjetet sociale./ CNA





Lajmet e fundit nga