E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Dhunë në familje/ Prangoset korçari që rrihte të atin

15 Tetor 2022, 12:45, Aktualitet CNA

Specialistët për Hetimin e Krimeve te Komisariatit të Policisë Korçë bënë arrestimin në flagrancë të shtetasit H. L., banues në fshatin Gjonomadh, Korçë, për veprën penale “Dhuna në familje”, pasi ka ushtruar dhunë ndaj babait të tij.

Njoftimi:

Vihen në pranga 2 shtetas dhe procedohen në gjendje të lirë 5 të tjerë, për vepra të ndryshme penale.

Specialistët e Trafikut Urban dhe Interurban të DVP Korçë bënë arrestimin në flagrancë të shtetasit E. I., 40 vjeç, banues në Korçë, për veprën penale “Drejtimi i automjeteve në mënyrë të parregullt”, pasi në lagjen nr. 1, Korçë, u kap duke drejtuar automjetin, në gjendje të dehur.

Po nga këta specialistë u referuan materialet në Prokurori dhe filloi procedimi penal në gjendje të lirë për shtetasin E. K., 25 vjeç, banues në fshatin Biranj, Korçë, si edhe për tre 16-vjeçarë të tjerë, banues në Korçë, për veprën penale “Organizimi ose ushtrimi i veprimtarive të lojërave të fatit në kundërshtim me ligjin”.

Shërbimet e Policisë, gjatë kontrolleve të vazhdueshme të ushtruara me qëllim goditjen e aktiviteteve të paligjshme në fushën e lojërave të fatit, konkretisht në fshatin Biranj, Korçë dhe në lagjen nr. 9, Korçë, në lokale të ndryshme, ju kanë gjetur dhe sekuestruar në cilësinë e proves materiale, secilit prej 4 shtetasve të proceduar, nga një aparat celular, të cilët dyshohet se i përdornin për vendosjen e basteve sportive.

Specialistët për Hetimin e Krimeve të Komisariatit të Policisë Maliq referuan materialet në Prokurori dhe filloi procedimi penal në gjendje të lirë për shtetasin A. K., 53 vjeç, banues në fshatin Sheqeras, Maliq, për veprën penale “Dhuna në familje”, pasi dyshohet se ka ushtruar dhunë ndaj vëllait të tij, për të cilin u plotësua kërkesë-padia për lëshimin e urdhrit të mbrojtjes së menjëhershme.

Materialet i kaluan Prokurorive pranë Gjykatave të Rretheve Gjyqësore Pogradec e Korçë, për veprime të mëtejshme./CNA.al