web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat e Suella Braverman për emigrantët shqiptarë/ Begaj: Nuk është e drejtë të bullizohen

8 Nëntor 2022, 13:44, Aktualitet CNA
Deklaratat e Suella Braverman për emigrantët shqiptarë/ Begaj:
Presidenti Bajram Begaj

Presidenti Bajram Begaj ka deklaruar se nuk është aspak dakord me deklaratat e bëra nga sekretarja e brendshme britanike, Suella Braverman, për emigrantët shqiptarë.

Në një deklaratë për mediat, Begaj tha se nuk është e drejtë të bullizohen për këtë gjë, pasi emigrantët shqiptarë që jetojnë në Angli shumica e tyre punojnë ndershmërisht dhe pagujanë taksa në shtet.

“Nuk jam dakord me deklaratat e bëra nga ministrja e brendshme, nuk mund të anatemohen dhe të etiketohen si pushtues për faktin që shqiptarët jetojnë e punojnë kudo në botë. Janë integruar në shumë vende të botës dhe kanë ndërtuar jetën dhe punuar në mënyrë normale duke paguar taksa. Nuk është e drejtë te bullizohen në këtë lloj gjëje. Natyrisht ka edhe elementë anësorë, të padëshiruar që mund të kenë lidhje me krimin. Si këto nuk janë vetëm shqiptarë”, tha Begaj.

Begaj, ndër të tjera, tha se i ka kërkuar qeverisë britanike që investimet e saj t’i bëjë në zonat ku ka emigrantë.

 “I kam kërkuar qeverise britanike investimet e saj t'i bëjë në drejtim të zonave ku ka emigrantë për faktin që problemi duhet të evidentohet dhe pas evidentimit të gjejmë rrugët e duhura për të përballuar këtë lloj gjëje. Rruga e duhur, kërkesa ime për ta është që investimet e qeverisë angleze në këtë rajon të bëhen të prekshme nga qytetarët. Të mos jenë vetëm në kuadrin e këshillave, por të jenë investime me qëllim që këta qytetarë që ikin për një jetë më të mirë të punojnë e të jetojnë në Kukës, Dibër, Has e Tropojë. Kërkesa tjetër imja ka të bëjë me hapjen e një mikrokonsullate angleze në Kukës dhe të bëjë të mundur që qytetarët të ikin me viza të rregullta të përkohshme për të punuar si punëtorë sezonalë”, vijoi më tej Begaj./ CNA.al





Lajmet e fundit nga