web counter
LEXO PA REKLAMA!

SHKARKO APP

App Store
Google Play

E fundit!

x

Bollino sërish kundër protestuesve/ "Janë të paaftë"

29 Qershor 2026, 10:19, Aktualitet CNA

Bollino sërish kundër protestuesve/ "Janë të

Carlo Bollino ka dalë sërish kundër protestuesve, duke u shprehur se ata "janë të paaftë". Italiani Carlo Bollino, i cili erdhi në Shqipëri me çantë shpine dhe sot është miliarder, njihet si një nga mbështetësit më të mëdhenj të qeverisë së Rilindjes dhe të Erion Veliajt.

Ai është përfitues i koncesioneve nga qeveria dhe një njeri i lidhur me tentakulat e pushtetit të Ramës, me akses të thellë deri te zyrat e Erion Veliajt, ka shkuar kundër protestuesve duke thënë se janë të paaftë.

 

“Sa më shumë i dëgjon dhe lexon platformat e tyre politike surreale, aq më shumë të lind dyshimi: a duhen marrë vërtet seriozisht koordinatorët e kësaj proteste apo jo? Fakti që në grupin drejtues, i cili tashmë është bërë publik, mungojnë plotësisht emra nga bota akademike, shkenca, ekonomia, letërsia dhe drejtësia, ngre jo pak pikëpyetje mbi nivelin e përfaqësimit dhe prestigjin e këtyre organizatorëve. Por a është e mundur që asnjëri prej tyre të mos jetë në gjendje të artikulojë tani një projekt ndryshimi për vendin që të jetë të paktën disi i besueshëm dhe, mbi të gjitha, i realizueshëm? Përshtypja që krijohet duke lexuar propozimet e tyre është se protesta, në të vërtetë, ka përfunduar në duart e një grupi revolucionarësh radikalë, ndoshta të ndershëm, por krejtësisht utopistë dhe të shkëputur nga realiteti, plotësisht të paaftë për të propozuar një rrugë politike dhe institucionale konkrete, që mund të realizojë atë ndryshim që kaq shumë protestues e kërkojnë me sinqeritet”, shkruan Bollino.

 

Inceneratorët dhe lidhjet me aferat e pushtetit

Ky është njeriu që u tha shqiptarëve "sa bukur dhe sa mirë funksiononte inceneratori i Fierit", ndërkohë që ai objekt ende është jashtë funksionit.

Për më tepër, ai është një nga njerëzit e përfshirë si përfitues nga koncesionet, nga kompanitë përfituese, nga korrupsioni dhe aferat e qeverisë. Një rast skandaloz i denoncuar nga opozita e përfshin atë tek afera e AKSHI-t, si përfitues nëpërmjet Igli Gjelishtit.

Dje ai ka shkruar kundër protestuesve, edhe pse nuk mundi në gati një muaj ta kuptonte se çfarë ishte kjo protestë. Ai thekson se ata janë "të paaftë".

Ky zotëri, i cili prezantohet si gazetar, më shumë nga halli qëndroi në Tiranë me pushtetin e Rilindjes, sesa për të parë Shqipërinë të ndryshojë. Më shumë sesa një gazetar i pavarur, ai është një përfitues i pushtetit. Pretendon se bën diferencën, por në fakt është një biznesmen që nuk ndryshon shumë nga të tjerët që pretendon për të bërë diferencën.

Me sa duket, edhe sot nuk i ka shpëtuar dot shërbimit të tij të radhës ndaj pushtetit duke na thënë se protestuesit janë të paaftë. Ata mund t'i duken të paaftë thjesht dhe vetëm sepse nuk janë me partinë dhe me pushtetin që do italiani nga Leçe, i cili në Shqipëri është kthyer në miliarder.

Nuk ka protestues të paaftë; ka qeveri të paaftë, pushtet të korruptuar dhe media të kapur./CNA





Lajmet e fundit nga