web counter
LEXO PA REKLAMA!

SHKARKO APP

App Store
Google Play

E fundit!

x

Bllokohet qarkullimi në aksin Laç-Lezhë/ Kaos, 2 deri në 4 orë për një distancë 15 km

10 Gusht 2025, 17:54, Aktualitet CNA

Bllokohet qarkullimi në aksin Laç-Lezhë/ Kaos, 2 deri në 4

E diela ka sjellë kaos në rrugët e Laçit dhe Lezhës. Lëvizja përgjatë aksit rrugor Laç-Lezhë është kthyer në një makth për drejtuesit e automjeteve në këto ditë të nxehta gushti. Për të përshkuar vetëm 15 kilometra rrugë, udhëtarëve u është dashur nga 2 deri në 4 orë pritje në trafik.

Pika më problematike mbetet rrethrrotullimi i Fushë-Milotit, ku përqendrohet edhe fluksi më i lartë i mjeteve, të cilët vijnë nga Kosova dhe Tirana.

Qytetarët e cilësojnë të papranueshme pritjen shumëorëshe në temperatura që shkojnë deri në 40 gradë Celsius.

“Unë jam prej 2 orësh, mbaruam. Kam ardhur nga Amerika dhe mbetëm rrugëve 24 orë, trafik, vapë, çfarë bëhet kështu?”.  

“Kemi 4 orë në trafik në këto temperatura 40 gradë. Ka njerëz të sëmurë në rradhë. Shumë keq ky kaos”.

"Kam dal nga aeroporti në 11 dhe kam bërë më shumë se 3 orë deri në Lezhë. As në Nju Jork nuk është ky trafik”

“Ka 7 orë që jemi nisur nga Vushtria e jemi ende në rradhë. Nuk di si do kthehemi për të shkuar në Ulqin. U dogjëm në këto temperatura”.

Ndërkohë policia rrugore është vendosur në disa pika strategjike për të lehtësuar sadopak qarkullimin, por ka qenë thuajse e pamundur. Ky trafik i rënduar pritet të jetë prezent deri në fund të muajit gusht, kur nis rënia e fluksit të pushuesve në zonat turistike./CNA





Lajmet e fundit nga