web counter
LEXO PA REKLAMA!

SHKARKO APP

App Store
Google Play

E fundit!

x

Kur Irfani i kthen shtetit pronat dhe Braçja ka hallin e dhive

9 Gusht 2025, 15:50, Aktualitet CNA

Kur Irfani i kthen shtetit pronat dhe Braçja ka hallin e dhive

Lajmi i ditës sot ishte lirimi me forcë i ambienteve ku prej shumë vitesh ushtron "pavarësinë" mediatike Irfan Hysenbelliu. Tashmë edhe ata që nuk e dinin e kuptuan që Irfan Hysenbelliu, lirinë e tij të fjalës e ushtronte në ambiente të dhëna me bujari nga shteti.

Kontrata e qirasë me të cilën ata që i ofruan Irfanit atë që nuk ia ofronin shumëkujt, kishte përfunduar prej vitesh.

Burime nga Ministria e Financave sqarojnë se Hysenbelliu ka ende shumë detyrime qirash të papaguara ndaj shtetit, por nuk sqarojnë nëse bëhet fjalë vetëm për ambientet nga ku lëshohej sinjali mediatik, apo të njëjtën situatë e ka edhe godina ku Hysenbelliu ka instaluar universitetin "Luarasi".

Por është e qartë se për ambientet ku zhvillonte lirinë mediatike, nuk ka paguar rregullisht as qiranë. Si njeri i lirë d.m.th.
Kjo për dijeninë edhe të atyre pak përfaqësuesve të opozitës që mes gushtit po u dhemb shpirti për lirinë e fjalës së Irfanit.

Sa i takon mazhorancës, i vetmi që vazhdon vjen vërdallë duke bërë foto e duke u grindur rregullisht, mbetet Braçja.

Shpresa e vetme se mund të dëgjonim ndonjë opinion të tipit thellësisht shtetformues për rastin Hysenbelliu, nga i vetmi njeri që flet për gjithçka u shua. Braçja dje kishte takuar në rrugë nacionale, 7 dele dhe 2 dhi. Dhe nuk mund të mos e postonte në adresat e veta këtë fakt. Halli është që paska dalë rrugëve nacionale të numërojë delet.

Do të kenë qenë dele turiste, që ndryshe nga shoqet që kishin zbritur në plazh, kishin dalë për hiking. Ose ishin ndarë nga tufat që ngjiten në male për verim.

Edhe një shpjegim për Braçen: Zogjtë shtegtojnë!

Jo për gjë, po se mos nis e numëron dallëndyshet në tetor edhe na bën lëmsh prapë./CNA 





Lajmet e fundit nga