web counter
LEXO PA REKLAMA!

SHKARKO APP

App Store
Google Play

E fundit!

x

Protesta e banorëve në Zvezdë: Projekti për ujin me standarte të dobëta, tubat po mbulohen me gurë

10 Gusht 2025, 11:17, Aktualitet CNA

Protesta e banorëve në Zvezdë: Projekti për ujin me

Banorët e fshatit Zvezdë në njësinë administrative të Maliqit janë ngritur në protestë këtë të diel, duke shprehur pakënaqësinë për mënyrën si po zbatohet projekti i furnizimit me ujë të pijshëm. Punimet, të nisura prej dy javësh, sipas tyre po realizohen me standarde të dobëta, duke rrezikuar që pas dekadash mungese, fshati të përballet sërish me probleme në furnizim.

Shqetësimet kryesore lidhen me cilësinë e tubacioneve, mungesën e granilit dhe mbrojtjes së nevojshme mbi to, si dhe faktin që rrjeti i ujit të pijshëm po vendoset pranë atij të ujërave të zeza, duke rrezikuar ndotjen. Banorët thonë se një pjesë e tubave janë lënë të hapur, duke u ekspozuar ndaj dëmtimeve dhe kontaminimit.

"Kam parë që tubot e ujit po mbulohen me gurë, kamioni i parë që do kalojë do çahet. Pa një granil lart e poshtë, me sa kam parë tubove të ujit i shtohet granit, i vihet sinjalistikë që të dallohet. Me kamionin e parë besoj do çahet."

"Në radhë të parë nuk ka radhë pune nga ky tender, duheshin ujërat e zeza pastaj ai i pijshëm. Si do veprohet tani me ujërat e zeza, është hera e katërt që vendosen tuba, pa pergjegjesi. 3 që i vendosen duhet të mbanin përgjegjësi, nuk kemi besim se me këtë punë do na vijë ujë. Po su bënë ujërat e zeza, kjo është kot, fshati ynë ka një pozicion që të rrakellesh gurë vijnë poshtë jo me ujërat e zeza. Kryetari i bashkisë për fshatin tonë s'ka interes dhe ka të drejtë se Zvezda si takon të jetë më Maliqin, nuk e njohim. Ne njohim vetëm Korçën."

Banorët flasin për tubacione të cilësisë së dobët, të vendosura pa shtresën mbrojtëse të granilit, duke u ekspozuar ndaj dëmtimeve nga mjetet e rënda. Në disa segmente, rrjeti i ujit të pijshëm po vendoset pranë atij të ujërave të zeza, çka sipas tyre do të përziejë dy sistemet dhe do ta bëjë ujin të papijshëm.

Një pjesë e punimeve është lënë e hapur, duke lejuar që tubat të ekspozohen ndaj papastërtive dhe dëmtimit. Banorët ngrenë edhe problemin e mungesës së koordinimit, ku kanalizimet e ujërave të zeza nuk janë përfunduar, ndërsa puna për rrjetin e ujit të pijshëm ka nisur.

"Sot si banorë të Zvezdës jemi mbledhur se kemi shqetësim për ujërat e pijshëm. Kryetari i bashkisë na premtoi një fond, do ju sjell ujë e bëri. Tani investimet që po bëhen, puna që bëhet nga firma nuk ka cilësi. Ka 2 javë që kanë filluar, është bërëgati çereku i fshatit, hapur kanalizimet. Tubacioni i përdorur nuk është për ujë të pijshëm, graniti për mbulimin e tubove s'është vënë. Nuk dihet ca kanë bërë poshtë, do çahen tubit nga kamionët. Ujë s'do jetë i pijshëm, sepse tubat e ujërave të zeza e të ujit të pijshëm do përzihen."

"Teknikisht tubat nuk vihen në kushte optimale, me granil, një rrjete mbrojtëse, i soll tani kamioni me granil kur 50% e punës u be. Duam të bëhen punët siç duhen. Kanë lënë tuba hapur, do futen minj e gjarpërinj, s'di pse i lanë jashtë. Kemi 30 vjet pa ujë edhe sot s'po bëhet e saktë, lekët po jepen. Do ngelemi pa ujë. Po bëjnë linjat dhe pus s'kanë thënë."

Banorët kërkojnë që depozita e ujit të ndërtohet në Zvezdë, aty ku gjenden burime të mjaftueshme, dhe jo në fshatin Burimas siç parashikon projekti aktual. Për ta, pas 30 vitesh pa ujë të pijshëm, ky investim ishte shpresa e madhe, por mënyra e realizimit po i bën të besojnë se historia e mungesës së ujit mund të përsëritet./ CNA





Lajmet e fundit nga