web counter
LEXO PA REKLAMA!

SHKARKO APP

App Store
Google Play

E fundit!

x

Asgjë e re nga hetimet për Xhoi Ayoko-n/ Nëna: Më kontaktuan me adresë "fake", dyshoj për autorin

28 Maj 2024, 13:23, Aktualitet CNA
Asgjë e re nga hetimet për Xhoi Ayoko-n/ Nëna: Më kontaktuan
Xhoi Ayoko

Prokuroria e Tiranës ende nuk ka përfunduar hetimet për vdekjen e vajzës keniane, Xhoi Ayoko, ngjarje që ndodhi më 13 gusht të 2022-shit. 

Raportohet se prokuroria shqiptare vijon në pritje të letërporosive nga autoritetet keniane, por pa rezultat edhe pse kanë kaluar 1 vit e 2 muaj nga kërkesa e dërguar.

Sqarojmë këtu që Prokurora e Tiranës i ka dërguar letërporosi Kenias në shkurt 2023 dhe i ka kërkuar që t’i vërë në dispozicion autopsinë që i është bërë 22-vjeçares në morgun e spitalit ku ndërroi jetë, por edhe të marrë në pyetje nënën e vajzës keniane, Ruth Abongo. 

Ndërkohë, raportohet në media se Ruth Abongo është shprehur se pak kohë më parë, një adresë me emër “fake” në "Facebook" e quajtur “bashkia” i ka shkruar asaj duke iu prezantuar si një “agjenci” që po investigon çështjen e Xhoit duke i thënë se “po kryejnë hetime për vrasjen me qëllimin që të bëhet drejtësi“.

Kjo adresë “fake” e pyet Ruth Abongo-n se “ku dyshon për autorin” dhe i përmend shoferin e kazinosë nëse është i përfshirë në krim, Ruth Abongo i thotë që po.

Më pas adresa anonime i shkruan se “shoferi mund të jetë shtyrë edhe nga persona të tretë”, dikush që ka njohur qëllimet e tij ndaj Xhoi-t. 

Nëna e Xhoi-t vendos të shkëpusë kontaktin me një person, pasi dyshoi se personi shkroi në këtë adresë mund të jetë një nga autorët ose bashkëpunëtorët në ngjarjen e rëndë. 

Dhuna barbare ndaj vajzës së re ndodhi më 14 shkurt të vitit 2022 dhe më pas ajo u shtrua për kurim në spitalin e Traumës. 

Pas 6 muajsh në spital, Xhoi u kthye në vendin e saj në Kenia aty ku edhe ndërroi jetë në spitalin Keniatta./CNA 





Lajmet e fundit nga