web counter
LEXO PA REKLAMA!

SHKARKO APP

App Store
Google Play

Nis protesta para Bashkisë së Tiranës/ Qytetarët kërkojnë dorëheqjen e Erion Veliajt

28 Maj 2024, 11:18, Aktualitet CNA

Nis protesta para Bashkisë së Tiranës/ Qytetarët

Sot para Bashkisë Tiranë po zhvillohet protesta e nëntë. Qindra qytetarë të Tiranës janë mbledhur para godinës së bashkisë ku kërkojnë dorëheqjen e Erion Veliajt.

Deri më tani situata paraqitet e qetë. 

Ndërkohë ka masa të shumta sigurie nga ana e policisë. Gjithë godina është e rrethuar me gardhe metalike dhe rreth saj janë me dhjetëra forca policie. 

Aktualisht ka bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës. Blutë u sugjerojnë qytetarëve që të përdorin rrugë alternative, deri në përfundim të tubimit, si Unaza e Mesme dhe Unaza e Madhe.

Gjithashtu, policia përcjell edhe një mesazh për protestuesit dhe organizatorët e protestës, që të distancohen nga aktet e dhunës.

“Gjatë disa tubimeve të mëparshme, të zhvilluara nga Aleanca për Mbrojtjen e Teatrit, në sheshin para Bashkisë Tiranë, janë evidentuar raste të përsëritura të kundërshtimit të forcave të policisë, përdorimit dhe hedhjes së molotovëve e sendeve të tjera, në drejtim të Bashkisë Tiranë, duke rrezikuar seriozisht jetën dhe shëndetin e punonjësve të policisë dhe vetë pjesëmarrësve në tubime. Drejtoria Vendore e Policisë Tiranë respekton plotësisht të drejtën e qytetarëve për të organizuar dhe marrë pjesë në tubime paqësore. Policia u përsërit thirrjen organizatorëve, drejtuesve dhe pjesëmarrësve në tubime për të respektuar ligjin dhe për t'u distancuar nga çdo akt dhune”, thuhet ndër të tjera në njoftimin e policisë./CNA

 





Lajmet e fundit nga