web counter
LEXO PA REKLAMA!

SHKARKO APP

App Store
Google Play

E fundit!

x

Roli i Ramazan Rrajës në shpërthimin me tritol në hotelin e babait të Ervin Matës/ Zbulohen bashkëpunëtorët

28 Maj 2024, 10:29, Aktualitet CNA

Prokuroria e Posaçme ka mbyllur hetimet dhe ka dërguar në gjykim Ramazan Rrajën, i cili rezulton i përfshirë në një sërë ngjarjesh kriminale. 

Nga hetimet e SPAK-ut ka rezultuar se Rraja është njëri nga personat që ka kërkuar dhe siguruar një automjet, te njohjet e tij shoqërore në Durrës, dhe më pas ka dërguar një nga të afërmit e tij me qëllim për ta marrë këtë automjet, dhe për të realizuar hedhjen e sasisë së lëndës eksplozive, në hotel “Victoria” Tiranë, në pronësi të shtetasit Luan Mata, babait të Ervin Matës. Kjo ngjarje ka ndodhur në 30 maj të 2020-ës.

Por për këtë ngjarje të rëndë, Ramazan Rraja akuzohet se gjithçka është kryer në bashkëpunim me Plaurent Dervishajn dhe Juljan Mecajn. 

Mbi këta persona rëndojnë veprat penale: “Shkatërrimit i pronës me eksploziv” dhe “Prodhimi dhe mbajtje pa leje e armëve shpërthyese dhe “Mbajtja pa leje dhe prodhimi i armëve, armëve shpërthyese dhe i municionit”. 

Prokuroria e Posaçme ka mbyllur hetimet dhe ka dërguar për gjykim 3 personat e sipërpërmendur. 

Nga shpërthimi që ndodhi 4 vite më parë, pati vetëm dëme materiale./ CNA 





Lajmet e fundit nga