web counter
LEXO PA REKLAMA!

SHKARKO APP

App Store
Google Play

“Po hetohen ministra e deputetë”/ Shehaj: Rezoluta, tentativë për t’i treguar muskujt SPAK-ut

27 Maj 2024, 18:56, Aktualitet CNA

“Po hetohen ministra e deputetë”/ Shehaj: Rezoluta,

Deputeti Agron Shehaj në seansën e sotme në Kuvend ka folur për projektrezolutën anti-SPAK.

Sipas Shehajt, politika po përdor rezolutën për të mbrojtur të korruptuarit, duke tentuar të kufizojë drejtësinë në Shqipëri.

Më tej deputeti është shprehur se rezoluta e propozuar nuk ka për qëllim të luftojë korrupsionin, por të shpëtojë të korruptuarit nga përgjegjësia.

Deputeti nënvizon se rezoluta nuk është kundër korrupsionit por për t’i treguar muskujt SPAK-ut.

"Projekrezoluta nuk ka lidhje me luftën kundër korrupsionit përkundrazi rezoluta po bëhet për të mbrojtur të korruptuarit.

Pse mendoj se kjo rezolutë ka qëllim ta luftojë drejtësinë?

Sepse në Shqipëri po ndodh e njëjta gjë që ka ndodhur në disa vende të Evropës Lindore, në Rumani, në Bullgari, në Kroaci, kishin të njëjtin problem që kemi ne sot.

Pushteti ishte i korruptuar dhe pavarësisht nga rrotacioni i qeverive, korrupsioni jo vetëm që nuk binte por shtohej dhe konsolidohej, identike si në Shqipëri. Shqipëria ishte vendi më i korruptuar në Evropë dhe vazhdon të jetë vendi më i korruptaur në Evropë. Ishin në të njëjtën situatë ku jemi ne sot.

Ju tha se nëse doni të integroheni në BE duhet të forconi drejtësinë dhe pandëshkueshmërinë. Njësoj si në Shqipëri dhe në këto vende u vendos që drejtësia të nxirte para përgjegjësisë klasën politike, të korruptuarit.

Si reaguan politikanët e korruptuar? Filluan të sulmojnë drejtësinë duke përdorur pushtetin legjislativ.

Edhe sot në Shqipëri SPAK-u është duke hetuar si kurrë më parë ish-ministra, deputetë, po merr në pyetje përfaqësues të mazhorancës, vazhdimisht ministrat e kësaj qeverie përditë dalin para SPAK-ut për të mbajtur përgjegjësi, për te dhënë përgjigje për aferat korruptive që kanë mbështetur që kanë aprovuar apo që kanë heshtur.

Tani reagon mazhoranca në të njëjtën mënyrë siç ka reaguar në vendet e tjera. Po ngre një Komision me qëllim kufizimin e plotë të drejtësisë, ky është qëllimi i vërtetë i kësaj rezolute, të shpëtojë të korruptuarit. Politika e korruptuar po kërkon t’i shpëtojë drejtësisë nëpërmjet rezolutave dhe komisioneve si ai që ju doni të krijoni. 

Kjo është arsyeja që mendoj se se kjo nuk është rezolutë kundër korrupsionit, por është tentative e radhës, për t’i treguar muskujt SPAK-ut, për t’i thënë SPAK-ut që në përfaqësojmë sovranin dhe jemi të paprekshëm.

E filluat me amnistinë, refuzuat zgjatjen e mandatit të SPAK-ut duke ju thënë ta dini mandate juaj mbaroi dhe do mbeteni në mes të rrugës. Ja tregoni përditë SPAK-ut sesa e mbështesni drejtësinë mjafton të shohim deklaratën e fundit të Dumanit, i cili tha është ulëritëse mungesa e bashkëpunimit me Policinë.

Kush mendon se Rama është i korruptuar, se kjo qeveri është e korruptuar dhe beson se drejtësia duhet mbështetur nuk mund të mos votojë apo akoma më keq ta mbështesë, por duhet të votojë kundër", është shprehur Agron Shehaj./ CNA





Lajmet e fundit nga