web counter
LEXO PA REKLAMA!

SHKARKO APP

App Store
Google Play

E fundit!

x

Baton Haxhiu konfirmon CNA/ Komisioni “Xhafaj” kundër SPAK-ut

27 Maj 2024, 22:40, Aktualitet CNA
Baton Haxhiu konfirmon CNA/ Komisioni “Xhafaj” kundër SPAK-ut
Baton Haxhiu

Ditën e sotme në Kuvend u miratua rezoluta anti-SPAK, që i hap rrugë ngritjes së një komisioni Ad-Hoc me në krye Fatmir Xhafajn, synimi i të cilit është monitorimi, kontrolli dhe pengimi i punës së SPAK.

Kjo është një skemë të cilën CNA përmes shkrimeve e ka zbuluar deri në detaje, duke treguar se synimi është thirrja e Altin Dumanit në apel, për ta kontrolluar punën e tij.

Këtë e ka konfirmuar sonte dhe Baton Haxhiu në emisionin e Çim Pekës, ku është shprehur se komisioni anti-SPAK do të kërkojë shfuqizimin e nenit për shpërdorimin e detyrës sepse pretendon se po abuzon SPAK-u.

Dhe e dyta, sipas Baton Haxhiut është që në një Republikë Parlamentare, që buron nga populli dhe nuk mund të pranojë që të mos ketë institucione që nuk japin llogari në asnjë vend.

“Kjo rezolutë i paraprin një gjëje ndryshimit të Kodit Penal për arsye se gjëja kryesore që po ndodh është një togfjalësh, shpërdorim i detyrës në Kodin Penal. Ka hap rrugë të jashtëzakonshme që SPAK dhe BKH ta përdorin për secilin burokrat”, tha Haxhiu.

Pra Baton Haxhiu, një nga njerëzit më të afërt të Edi Ramës, konfirmon publikisht dhe zyrtarish atë që ka thënë CNA se qëllimi i Komisionit “Xhafaj”, është një qëllim kundër SPAK.

Ky komision kërkon të shfuqizojë shpërdorimin e detyrës për ata që vjedhin me letra apo pa letra dhe nga ana tjetër të thërrasë SPAK-un në apel./ CNA

 





Lajmet e fundit nga