web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi, i prerë: Do të vazhdojmë me rezistencën, Bashkia Tiranë është skemë krimi

28 Maj 2024, 11:49, Aktualitet CNA

Drejtuesi politik i PD-së për Tiranën, Belind Këlliçi, u shpreh sot në protestën para Bashkisë së Tiranës se Erion Veliaj është në krye të aferave korruptive. 

Ai tha se Bashkia e Tiranës është një institucion krimi. 

Këlliçi deklaroi se protesta do të vijojë edhe javën e ardhshme deri në dorëheqjen e Veliajt. 

"Ne kemi ardhur sërish këtu sot para kësaj godine, e cila është skena e krimit më e madhe sot në Shqipëri. Strehohet kryetari i bashkisë që vjedh çdo ditë. Janë dhënë 132 milionë euro për inceneratorët që nuk ekzistojnë. Të nderuar drejtues politikë të shtetit dhe drejtues të Policisë së Rendit, nuk kemi asgjë me ju, protestuesit nuk kanë asgjë me ju. Policë bashkiakë a e dini që drejtori juaj vjedh? U bëj një ftesë publike forcave të Policisë së Shtetit, që të rreshtohen me ne. Banda '5D', shumë shpejt priten drejtuesit e tjerë të kësaj bande në qeli. Drejtuesi i aferës së '5D'-së dhe inceneratorit të Tiranës, është vetëm një, është Erion Veliaj. Do të vazhdojmë me rezistencën, do të jemi këtu me ju", u shpreh Këlliçi./CNA 

 





Lajmet e fundit nga