web counter
LEXO PA REKLAMA!

SHKARKO APP

App Store
Google Play

Arratisja e një vrasësi që akuzon Avokatin e Popullit dhe mediat e Veliajt

13 Janar 2026, 14:56, Aktualitet CNA

Arratisja e një vrasësi që akuzon Avokatin e Popullit dhe mediat

Sot, një kriminel, Altin Ndoci, është arratisur nga burgu. Pyetja është e thjeshtë: Kush janë përgjegjësit? Si mundi të largohej? Si u krijuan kushtet që një vrasës të arratiset?

Së pari, një i burgosur nuk shkon dot të vizitohet në spital civil, pa dhënë një leje apo raport mjeku i burgut, i cili konstaton se e ka të pamundur ta mjekojë apo ta kurojë brenda kushteve që kanë burgjet dhe duhet të shkojë në një spital civil. Pas lejes së tij, shoqërohet nga burgjet, çohet për kurim.

Por, disa kohë më parë, të burgosurit ruheshin me policë në momentin që ndodheshin te mjeku, në spital civil, qoftë edhe për ndërhyrje. Siç ishte rasti i kolonoskopisë së zotit Erion Veliaj, për të cilën qau dhe ulëriti gazetari Mero Baze, njeriu i familjes Veliaj, ushtari i bindur i kryebashkiakut të Tiranës dhe përfituesi i qindra mijëra eurove.

Çfarë nuk tha! Çfarë nuk akuzoi! Pse duhet të ketë një polic atje brenda? Dhe atëherë ne ju përgjigjëm: se në protokoll duhet të jetë një polic, i cili e shikon me sy sepse është përgjegjës, pasi një mjek mund ta vrasë, dikush tjetër mund t'i bëjë një atentat, apo mund të arratiset. Dhe këtë shkruam në atë kohë. Mero Baze dhe të tijtë shkruan se ky qe faj i Ulsi Manjës, qe kriminale sjellja e tij. Në fakt, ishte zbatuar dhe respektuar thjesht një protokoll sigurie.

Sot, një i burgosur u arratis. Përtej përgjegjësisë që kanë mjekët, përtej ligësisë së Mero Bazes apo shkrimeve me qëllime të tjera, të pështira, servilizmit, lëpirjes edhe ndyrësive që vinin qoftë edhe ndaj ministrit Ulsi Manja. Sot, çfarë do thotë Mero Baze? Fajin e ka Besfort Lamallari?

Pra, fajin e ka ministri i Drejtësisë që iku sot? Po t’i kishte ndodhur gjë Erion Veliaj dje, çfarë do të thoshte? Se atëherë mund ta akuzonte Ulsi Manjën. Por sot, a do ta akuzojë Lamallarin?

Hapi i dytë pse ka ikur dhe gishti drejtohet drejt një raporti të Avokatit të Popullit, i cili pas qurravitjeve të Mero Bazes dhe mediave të familjes Veliaj e të paguarve prej tij, tha se nuk duhet të qëndronte polic në ambientet kur vizitohej i pandehuri apo kuroheshe, kur çoheshin në spital civil. Kjo ishte qoka që Erida Ballanca, Avokatja e Popullit, para largimit nga detyra i bëri ndoshta doktor Berishës, ndoshta Mero Bazes, ndoshta Edi Ramës, por kjo ka pak rëndësi.

Pasoja është kjo: Pas raportit të Avokatit të Popullit, pas këtij raporti të çuar në institucione, të bërë dhe publik, shoqërohet një i burgosur, një vrasës, një njeri shumë i rrezikshëm për shoqërinë, me standarde të reja të kërkuara nga Erida Ballanca, me standardet që shkruante Mero Baze, gazetari i Veliajt. Me standardet që kërkonin Veliaj dhe mediat e tij. Dhe ja ku jemi: një vrasës arratiset. Është mjaft e thjeshtë.

Mjafton të bësh propagandë, të manipulosh opinionin publik, të akuzosh një ministër Drejtësie, të bësh dhe një raport në fund nga Avokati i Popullit që t'i hapësh rrugën më pas një krimineli, një vrasësi, të largohet. Dhe këtë e kanë bërë me duart e tyre, Mero Baze me shkrimet e tij dhe akuzat e tij për trajtimin çnjerëzor të Erion Veliajt. Dhe më pas, pas këtij shkrimi, vjen qoka e raportit të Avokatit të Popullit, Erida Ballanca. Ndryshojnë standardet, vihen standardet e Mero Bazes sipas qokave që i bën politikës, Erida Ballanca dhe vrasësi sot është i lirë.

Tani presim që të paktën ta akuzojnë Besfort Lamallarin për arratisjen e vrasësit. Për të mbajtur të njëjtin standard siç mbajtën me Ulsi Manjën. Të përkëdhelin Erida Ballancën dhe ta falënderojnë për raportin që ka bërë si qokë politike. Të falënderojnë publikisht Mero Bazen, gazetarin e familjes Veliaj, që çoi ujë deri te burimi për t’i dhënë shtegun dhe drejtimin për t’u arratisur një krimineli./CNA





Lajmet e fundit nga