web counter
LEXO PA REKLAMA!

SHKARKO APP

App Store
Google Play

Argita Malltezi sulmon SPAK-un/ “Dosja ‘Partizani’ pa çështje, janë falsifikuar dokumentet”

8 Maj 2024, 22:16, Aktualitet CNA
Argita Malltezi sulmon SPAK-un/ “Dosja ‘Partizani’ pa
Argita Berisha Malltezi

Argita Berisha Malltezi ka sulmuar SPAK-un dhe e ka cilësuar si dosje pa çështje atë të privatizimit t ëish-kompleksit “Partizani”.

Argita tha në një intervistë televizive se te dosja “Partizani” nuk ka asnjë shkelje të asnjë dispozite, ndërsa hodhi akuza për falsifikim të dokumenteve nga SPAK.

Ajo deklaroi se në dokumentet e SPAK gjenden njerëz me toka në Yzberisht dhe që pretendojnë se kanë tokë në zonën e ish-klubit “Partizani”.

“Kjo është një dosje pa çështje. Nuk ka asnjë shkelje të asnjë dispozite, dhe këtë ata nuk e kanë treguar në çfarë forme dhe kush është dispozita e shkelur që ia atribuojnë Sali Berishës. Për të bërë këtë dosje, SPAK ka falsifikuar dokumente, ka shtrënguar fakte dhe këtë e ka bërë jo vetëm kur gjykata vendosi në 2023, por në çdo raportim dymujor që bëhet në atë çështje.

Kjo është një drejtësi me regji. Në dokumentet e SPAK gjenden dokumentet që ka njerëz me toka në Yzberisht dhe që pretendojnë se kanë tokë aty te tokat e zonës së ish-klubit “Partizani”.

Prandaj i kanë bërë falsifikime të tilla. Destinacionin e tokës nuk e ka ndryshuar Sali Berisha, por Edi Rama.

Kanë shkelur Kushtetutën sa i përket procedurës së izolimit të një deputeti ku duhej të kishte një autorizim nga Parlamenti, ndaj është një drejtësi me regji”, theksoi Argita Berisha Malltezi./ CNA





Lajmet e fundit nga