E fundit!

22:05 Politikë

“Filloi numërimi mbrapsht, kapitujt mbyllen brenda 2027-ës”/ Rama ndan videon nga Brukseli

Kryeministri Edi Rama ka ndarë një video nga Brukseli ku s...

Anijet me mbetje të rrezikshme, Krimi Ekonomik zbarkon te "Kurum"-i

26 Gusht 2024, 13:40, Aktualitet CNA

Anijet me mbetje të rrezikshme, Krimi Ekonomik zbarkon te

Të hënën, një grup ekipesh të Krimit Ekonomik të Durrësit kanë mbërritur pranë kompanisë turke "Kurum" në Elbasan për të hetuar mbi eksportet e mbetjeve të rrezikshme.

Raportohet se në kompani pritet të mbërrijnë edhe prokurorët e Durrësit të cilët po ndjekin këtë çështje. Ata do të njihen me dokumentacionin dhe arkivat e kompanisë, e cila operon në Elbasan që prej vitit 1998.

Kontejnerët e transportit për në Tajlandë, të mbushura me tonelata mbetjesh të rrezikshme industriale nga Shqipëria, tani po planifikohen të kthehen në Evropë, pasi grupet mjedisore dhanë alarmin se ato po eksportoheshin ilegalisht në Azinë Juglindore.

Ministria e Turizmit dhe "Kurum" kanë reaguar në lidhje me kontejnerët me mbetje toksike.

Në reagimin e saj Ministria e Turizmit ka deklaruar se nuk ka dhënë asnjë autorizim dhe si rrjedhojë kompania nuk ka paraqitur të dhëna mbi destinacionin e ngarkesës, ndërsa ka theksuar se institucionet ligjzbatuese janë angazhuar dhe po kryejnë veprime hetimore të përbashkëta me Zyrën kundër mashtrimit të Bashkimit Evropian (OLAF).

Ministria e Mjedisit deklaron se mbetjet e kompanisë "KURUM" u ngarkuan në Durrës në kontejnerët në pronësi të linjës ndërkombëtare MSC, dyshohet të jenë transportuar drejt portit të Triestes.

Pas kësaj ka pasur edhe një reagim nga "Kurum", e cila ka pasur një përplasje me Ministrinë e Turizmit në deklarimet e saj.

"Kurum International" mohon që mbetjet të jenë të sajat dhe të kenë eksportuar ngarkesën.

Po ashtu ka pasur dhe një reagim nga Drejtoria e Doganave, e cila deklaron se anijet me mbetje nuk janë nisur nga Shqipëria, por janë transit ndërkombëtar i produktit koncentrat zinku nga Kosova.

Sipas saj, koncentrati i zinkut është me origjinë nga Kosova dhe niset nga firma “Apelbaum sh.p.k.”. Sa i përket destinacionit përfundimtar, sipas “Doganave”, pritësi i mbetjeve është firma “ACHRO AG”./CNA