web counter
LEXO PA REKLAMA!

SHKARKO APP

App Store
Google Play

E fundit!

x

114-vjetori i lindjes së Nënë Terezës, Rama: Shenjtorja shqiptare i përket mbarë njerëzimit

26 Gusht 2024, 11:36, Aktualitet CNA
114-vjetori i lindjes së Nënë Terezës, Rama: Shenjtorja
Nënë Tereza

Në një postim në rrjetet sociale, kreu i qeverisë, Edi Rama, ka kujtuar Nënë Terezën në ditën e saj të lindjes. 

"Sot përkujtojmë 114-vjetorin e lindjes së Nënë Terezës, shenjtorja shqiptare që i përket mbarë njerëzimit", shkruan Rama teksa publikon një foto të shenjtores. 

Anjezë Gonxhe Bojaxhiu që njihet si Nënë Tereza, lindi më 26 gusht 1910 në Kalkutë. Ajo ishte një murgeshë dhe misionare katolike me prejardhje shqiptare.

U lind në Shkup, asokohe qendra e Vilajetit të Kosovës në Perandorinë Osmane. Jetoi në vendlindje për tetëmbëdhjetë vjet, ajo u shpërngul në Irlandë dhe më pas në Indi, ku jetoi pjesën më të madhe të jetës së saj.

Nënë Tereza themeloi Misionarët e Bamirësisë, një kongregacion katolik, i cili në vitin 2012 kishte më shumë se 4,500 motra dhe ishte aktiv në 133 shtete. Ato ofrojnë shtëpi për njerëzit që janë duke vdekur nga HIV/AIDS, lebra dhe tuberkulozi; ato ofrojnë ushqime, klinika të lëvizshme, programe këshilluese për fëmijët dhe familjet, jetimore, dhe shkolla. Anëtarët duhet t’i përmbahen betimit të "dëlirësisë, varfërisë dhe bindjes", si dhe një kusht të katërt, për të dhënë "shërbime falas e me gjithë zemër për më të varfrit e të varfërve".

Nënë Tereza ishte një tregtare e njohur. Ishte bashkëpronare e një firme ndërtimi në Shkup. Kompania e saj bëri bashkëfinancimin e projektit për ndërtimin e teatrit të parë të Shkupit. Ajo mori pjesë në zhvillimin e linjës hekurudhore që e lidh Kosovën me Shkupin, projekt që e kishte financuar personalisht.

Nënë Tereza është nderuar me çmimet dhe nderimet më të larta, duke përfshirë: më 1962 Çmimin e Paqes "Ramon Magsaysay" dhe 1979 "Çmimin Nobel për Paqe". Më 19 tetor 2003, ajo u lumturua dhe u quajt "Tereza e Bekuar e Kalkutës".

Për t’u kanonizuar në shenjtore, asaj duhej t’i njihej një mrekulli e dytë, në bazë të rregullave të kishës katolike. Një mrekulli e dytë i është njohur nga Papa Françesku, në dhjetor të vitit 2015, duke i hapur rrugën që ajo të shpallet e shenjtë nga Kisha Katolike e Romës./CNA 





Lajmet e fundit nga