web counter
LEXO PA REKLAMA!

SHKARKO APP

App Store
Google Play

E fundit!

x

Ndërron jetë në reanimacionin e QSUT-së "i forti" i Vlorës

26 Gusht 2024, 08:03, Aktualitet CNA
Ndërron jetë në reanimacionin e QSUT-së "i forti"
 Fotaq Zaharia

Ndërron jetë në ambientet e Qendrës Spitalore “Nënë Tereza”, në Tiranë, i dënuari Fotaq Zaharia, i njohur edhe si një nga "të fortit" e Vlorës.

Drejtoria e Burgjeve bën me dije se 64-vjeçari ka humbur jetën në orën 01:10 të mëngjesit të sotëm (26 gusht), në reanimacionin e QSUT.

“Zaharia ishte shtruar në spital me insuficiencë respiratore dhe po trajtohej që prej datës 16 gusht 2024. Përkeqësimi i gjendjes së tij shëndetësore kërkoi transferimin e tij në QSUT për kujdes të specializuar. Drejtuesit e Institucionit, Komisariati i Policisë Nr. 4 dhe Shërbimi i Kontrollit të Brendshëm të Burgjeve (SHKBB) janë njoftuar për hapat e mëtejshëm procedural”, bëhet me dije për rastin, teksa shtohet se "Drejtoria e Burgjeve i ka shprehur ngushëllime familjes".

Kush është Fotaq Zaharia? 

Zaharia u dënua nga Gjykata e Krimeve të Rënda me një çerek shekulli burgim. Ai u arratis nga dhomat e paraburgimit në Vlorë në vitin 2001, për t’u kapur më pas dhe nënshtruar izolimit, por pas disa vitesh shfaqi probleme të theksuara shëndetësore.

Operacioni “Forca e Ligjit”, OFL, nisi një hetimin pasuror ndaj tij katër vite më parë.

Fotaq Zaharia, i cilësuar gjatë viteve 1997-2007 si i forti i Vlorës, për shkak të grabitjeve dhe pengmarrjeve me armë që kryente, kaloi në sitën e verifikimit financiar. 

Ndër të tjera Prokuroria arriti t’i provonte akuzën e grabitjes me armë, pengmarrjen e gruas së një biznesmeni në Vlorë dhe “vrasjes me paramendim”, mbetur në tentativë ndaj shefit të krimeve në Vlorë, Gentian Musabelliut./CNA 





Lajmet e fundit nga