web counter
LEXO PA REKLAMA!

SHKARKO APP

App Store
Google Play

Alarmi për bombë në qendrën “Toptani”/ Njoftimi i rremë, asnjë rrezik për sigurinë publike

26 Prill 2026, 08:49, Aktualitet CNA

Alarmi për bombë në qendrën “Toptani”/ Njoftimi

Një alarm për bombë që rezultoi i rremë u njoftua mbrëmjen e së shtunës në qendrën “Toptani” në Tiranë.

Alarmi u ngrit nga një email anonim që përmbante një kërcënim për hapësirat e qendrës.

Menjëherë pas marrjes së këtij njoftimi, u aktivizuan protokollet e sigurisë dhe u njoftuan menjëherë autoritetet përkatëse, përfshirë Policinë e Shtetit. Paralelisht, ekipet e sigurisë dhe departamenti ligjor i qendrës “Toptani” koordinuan nga afër të gjitha veprimet e nevojshme sipas procedurave të parashikuara për situata të tilla.

Në interes të sigurisë maksimale, u ndërmor menjëherë evakuimi i kontrolluar i vizitorëve, stafit dhe punonjësve në dyqanet e qendrës. Ky proces u realizua me shpejtësi dhe në mënyrë të organizuar, duke ndjekur protokollet e emergjencës që janë pjesë e standardeve tona të operimit.

Pas verifikimeve të kryera nga autoritetet kompetente, rezultoi se njoftimi ishte një alarm i rremë dhe nuk u konstatua asnjë rrezik për sigurinë publike.

Përmes një deklarate, qendra “Toptani” thekson se siguria e vizitorëve, punonjësve dhe partnerëve mbetet prioriteti absolut. Qendra funksionon mbi standarde të qarta sigurie dhe menaxhimi të riskut dhe bashkëpunon vazhdimisht me institucionet përgjegjëse për të garantuar një mjedis të sigurt për të gjithë./CNA





Lajmet e fundit nga