web counter
LEXO PA REKLAMA!

SHKARKO APP

Aksion në burgun e Vlorës/ Kontrolle për sende të ndaluara

25 Prill 2026, 13:58, Aktualitet CNA

Aksion në burgun e Vlorës/ Kontrolle për sende të ndaluara

Njësitë Operacionale të Drejtorisë së Përgjithshme të Burgjeve kanë zbarkuar këtë të shtunë në ambientet e paraburgimit në Vlorë për një kontroll të imtësishëm që zgjati rreth dy orë.

Në këtë operacion të papritur u angazhuan rreth 70 efektivë, të mbështetur edhe nga forca të institucioneve të vuajtjes së dënimit nga Fieri dhe Peqini, të cilët krehën çdo qeli për praninë e sendeve të ndaluara.

Pavarësisht kontrolleve të rrepta dhe verifikimeve në çdo hapësirë të brendshme, raportohet se nuk u gjet asnjë mjet i paligjshëm apo send i komprometuar.

Ky aksion vjen në kuadër të një plani masash për rritjen e sigurisë në burgjet e vendit, duke synuar parandalimin e aktiviteteve kriminale brenda mureve të institucioneve.

Pas përfundimit të operacionit në Vlorë, forcat e sigurisë janë zhvendosur drejt zonave të tjera për të vijuar me kontrollet rutinë në shkallë vendi./ CNA





Lajmet e fundit nga