web counter
LEXO PA REKLAMA!

SHKARKO APP

App Store
Google Play

I dënuari përjetë u transferua nga burgu i Peqinit tek i Burrelit/ Çfarë u zbulua nga kontrollet

24 Prill 2026, 21:55, Aktualitet CNA

I dënuari përjetë u transferua nga burgu i Peqinit tek i

Një i dënuar me burgim të përjetshëm është transferuar nga burgu i Peqinit në burgun e Burrelit. Sipas një njoftimi të drejtorisë së Burgjeve, transferimi është kryer për arsye sigurie.

Ndër të tjera thuhet se gjatë kontrollit të imtësishëm të ushtruar në momentin e pranimit në burgun e Burrelit, në materialet personale të të dënuarit është konstatuar, e fshehur në një çorape, një qese e vogël e dyshuar si lëndë narkotike.

Njoftimi i plotë:

Drejtoria e Përgjithshme e Burgjeve njofton se, bazuar në informacionet paraprake të marra në rrugë operative nga strukturat e Shërbimit të Kontrollit të Brendshëm në Sistemin e Burgjeve (ShKBB), me urdhër të Drejtorit të Përgjithshëm, Adriatik Kupi për arsye sigurie është kryer transferimi i të dënuarit me burgim të përjetshëm, me iniciale M.P., nga IEVP Peqin në IEVP Burrel.

Gjatë kontrollit të imtësishëm të ushtruar në momentin e pranimit në IEVP Burrel, në materialet personale të të dënuarit është konstatuar, e fshehur në një çorape, një qese e vogël e dyshuar si lëndë narkotike.

Menjëherë janë njoftuar drejtuesit e institucionit, Shërbimi i Kontrollit të Brendshëm në Sistemin e Burgjeve si dhe Komisariati i Policisë Burrel, i cili ka marrë në dorëzim materialin për kryerjen e ekspertizës përkatëse.

Ngjarja po ndiqet sipas procedurave ligjore në fuqi. Drejtoria e Përgjithshme e Burgjeve mbetet e angazhuar në një luftë pa kompromis ndaj çdo paligjshmërie brenda institucioneve të vuajtjes së dënimit. /CNA

 





Lajmet e fundit nga