web counter
LEXO PA REKLAMA!

SHKARKO APP

App Store
Google Play

“I kanë çuar informacion se unë kisha të dashur”/ Kryemadhi flet për divorcin me Metën

24 Prill 2026, 15:27, Aktualitet CNA

“I kanë çuar informacion se unë kisha të

Ish-deputetja Monika Kryemadhi ka ndarë sot detaje lidhur me divorcin nga ish-bashkëshorti i saj, kreu i Partisë së Lirisë, Ilir Meta.

Kryemadhi ka shprehur vlerësim për vitet që ka kaluar me Metën, ndërsa ka pretenduar se ishte SPAK-u ai që nisi konfliktet mes tyre.

Ish-deputetja ka pretenduar se Metës i kishin dërguar mesazh se ajo kishte një person tjetër në jetën e saj gjatë kohës që ishin të martuar.

Ndër të tjera ka treguar edhe akuzat që, sipas saj, i ka drejtuar stafi i kreut të PL-së.

“Nuk mund të mohoj 30 vite jetë, kanë qenë vite shumë të bukura, kemi kaluar shumë sfida, beteja që disa i kemi fituar e disa jo. Edhe kjo që jam, jam edhe falë Ilir Metës. Ai ishte një bashkëshort tolerant që më lejonte të bëja çfarë të doja. A kam pasur unë probleme të tjera? Po. Ne në jetën tonë 33-vjeçare, kemi bërë vetëm 8 herë pushime së bashku si familje. Jam penduar që nuk e kam harxhuar kohën për familjen dhe fëmijët e mi, por e kam përdorur për të tjerët. Kam disa pengje. Por ama nuk pendohem për asgjë.

Tani ndiej respekt për të dhe inat me veten time që SPAK-u dhe Altin Dumani përdorën metodologjinë e Sigurimit të Shtetit për të futur një konflikt mes bashkëshortëve, duke më cilësuar bashkëpunëtore të shtetit. Manipulimi që është bërë ka qenë shumë i shëmtuar dhe jonjerëzor. Por çfarë të mbjellësh do korrësh.

Ne nuk kemi pasur asnjë problem mes nesh. Ata i kanë çuar fillimisht informacion Ilir Metës se në telefonin tim kishin zbuluar që unë kisha të dashur. Tani që të kesh të dashur, duhet të kesh kohë. Meta në atë kohë jetonte në vend tjetër dhe unë dëgjoja bisedat e njerëzve që ulen në tavolinë me të se unë kisha të dashur.

Metës i kanë çuar të printuara mesazhe që unë kisha me Metën dhe bisedën e kisha shënuar me emrin ‘Zemra ime’. Ai nuk i mbante mend mesazhet. Pastaj në gjyq doli që numri ishte i Ilir Metës. Nuk e kam parë reagimin që pati kur ndodhi kjo sepse nuk më intereson reagimi i tij. Stafi i tij më akuzoi se unë dhe nëna ime kemi përdorur emrin e tij. Është krijuar perceptimi se në 2009 Meta ka marrë para që ia ka dhënë nënës sime dhe ajo bleu shtëpi. Pastaj CEZ-DIA u bë në vitin 2011”, ka treguar Kryemadhi. /CNA





Lajmet e fundit nga