web counter
LEXO PA REKLAMA!

SHKARKO APP

App Store
Google Play

Mesazhet e pretenduara të Hoxhës/ Berisha: Dorëheqja e tij urgjente, akt i domosdoshëm

25 Prill 2026, 14:35, Aktualitet CNA

Mesazhet e pretenduara të Hoxhës/ Berisha: Dorëheqja e tij

Kreu i PD-së, Sali Berisha, ka deklaruar se ministri i Jashtëm, Ferit Hoxha, duhet të dorëhiqet në mënyrë urgjente pas mesazheve të pretenduara për shqiptarët e Maqedonisë së Veriut.

Berisha e ka quajtur antishqiptare dhe të turpshme deklaratën e Hoxhës duke shtuar se ka humbur çdo element të ndërgjegjes kombëtare.

“Kjo është një deklaratë kriminale, antishqiptare, e turpshme, prej një gangsteri, që ka humbur çdo integritet, që ka humbur çdo element të ndërgjegjes kombëtare dhe tejkalon. Bravo, ju e thoni vetë, barazohet me ultranacionalistët më të verbër maqedonas dhe serbë. Dorëheqja e tij urgjente është akti i domosdoshëm. Ky etiketim që u bëri ai dhe përpjekja e turpshme që bëri për ta fshehur, unë e përgëzoj zotin Këlliçi, i cili zbuloi një akt të tillë kriminal, një akt të tillë të pashembullt.

Të quash idiotë shqiptarët e Maqedonisë, se ata nuk mbrojnë Pashiqin, kryeministrin më të mirë të serbëve pas Pashiqit, Edi Ramën, do të thotë të jesh një tradhtar më i keq se ai. Një gjuhë gangsteri dhe vagabondi, për të cilën ai duhet të japë menjëherë dorëheqje. Dhe jo të fshihet. Belind Këlliçi i nxori dokument, i nxori mesazhet e ambasadorit.

Shikoni se kush e ka, shikoni çfarë gangsteri është në politikën e jashtme të Shqipërisë, drejton politikën e jashtme. Sigurisht, vetëm ai mund të zgjidhej nga Edi Rama, nuk mund të zgjidhej kush tjetër. Akt i pashembullt, i padëgjuar ndonjëherë. Dhe pse? Sepse s'mbrojtën Edi Ramën ata. Po si mund të mbrohet Edi Rama, një tradhtar i kombit? Pse je ti lakej i tij? E dënueshme, plotësisht”, tha Berisha./ CNA





Lajmet e fundit nga