web counter
LEXO PA REKLAMA!

SHKARKO APP

App Store
Google Play

E fundit!

x

“Alarm për sulmet online ndaj gazetarëve”/ Asociacioni i Gazetarëve të Shqipërisë reagon për situatën

17 Shkurt 2025, 18:09, Aktualitet CNA

“Alarm për sulmet online ndaj gazetarëve”/ Asociacioni i

Asociacioni i Gazetarëve të Shqipërisë ka reaguar sot në lidhje me shtimin e sulmeve online ndaj gazetarëve, veçanërisht ndaj vajzave dhe grave, gjatë ditëve të fundit.

Në një deklaratë, Asocacioni e konsideron të tensionuar klimën politike në vend, çka sipas tij ka shuar gjuhën e urrejtjes, intimidimit dhe përpjekjeve për të denigruar gazetarët.

Asociacioni i Gazetarëve të Shqipërisë thekson se roli i gazetarëve është të raportojnë mbi zhvillimet e përditshme, pa u frikësuar apo penguar në ushtrimin e detyrës.

"Asociacioni i Gazetarëve të Shqipërisë shpreh shqetësimin e thellë për shtimin e sulmeve online ndaj gazetarëve, veçanërisht ndaj vajzave dhe grave, gjatë ditëve të fundit.

Në një klimë të tensionuar politike, vërejmë me alarm rritjen e gjuhës së urrejtjes, intimidimit dhe përpjekjeve për të denigruar gazetarët. Roli i tyre është të raportojnë mbi zhvillimet e përditshme, përfshirë ato të drejtësisë, dhe askush nuk duhet t'i frikësojë apo t'i pengojë në ushtrimin e detyrës së tyre për të sjellë të vërtetën, cilado qoftë ajo.

U bëjmë thirrje të gjithë aktorëve të përfshirë të tregojnë vetëpërmbajtje dhe respekt ndaj gazetarëve, të cilët jo vetëm kanë të drejtën, por edhe detyrën profesionale për të informuar publikun me paanshmëri dhe saktësi”, -thuhet në deklaratën e Asosacionit./CNA





Lajmet e fundit nga