web counter
LEXO PA REKLAMA!

SHKARKO APP

App Store
Google Play

E fundit!

x

Afera e inceneratorëve/ Veliaj: Unë s’kam lidhje, nëse dikush ka abuzuar, të mbajë përgjegjësi

5 Shtator 2022, 22:18, Aktualitet CNA

Afera e inceneratorëve/ Veliaj: Unë s’kam lidhje, nëse

Kryetari i bashkisë së Tiranës, ka folur mbrëmjen e sotme për aferën e inceneratorëve, një aferë të denoncuar prej vitesh nga CNA.al.

Veliaj u distancua nga përgjegjësia dhe tha në emisionin “Top Story” se nëse dikush ka abuzuar, duhet të mbajë përgjegjësi.

“Ne nuk paguajmë investim, ne paguajmë shërbim. Detyra jonë është t’i mbledhim nga pikat mbeturinat dhe t’i çojmë në Sharrë. Mua më intereson që për një çmim më të ulët plehrat t’i çojmë në Sharrë, ajo reja kancerogjene nuk është më mbi qytet. Më intereson ta bëjmë me një çmim më të ulët se paraardhësi. Nëse në këtë proces, dikush ka abuzuar rrugës, duhet të mbajë përgjegjësi”, u shpreh ai.

Kryebashkiaku i Tiranës pretendon se nuk ka asnjë lidhje me aferën, ndërsa theksoi se qeveria Rama nuk do të mbrojë askënd që abuzon.

 “Ajo që dallon me qeverinë më parë, është se nëse dikush abuzon, qeveria Rama nuk e mbron. Nëse në këtë proces njerëzit kanë bërë gabime, kjo s’do të thotë që t’i kthehemi prapë djegies së plehrave nëpër Tiranë. Unë paguaj vetëm për plehrat që kam çuar sot. Nëse dikush ka bërë gabim le të gjykohet, por unë s’kam lidhje. Rasti i Elbasanit dhe Fierit është tjetër, ne paguajmë vetëm shërbimin në Tiranë”, nënvizoi Veliaj./ B.A. - CNA.al





Lajmet e fundit nga