web counter
LEXO PA REKLAMA!

SHKARKO APP

App Store
Google Play

23 ditë proteste/ Shpalosen 5 kërkesat zyrtare

22 Qershor 2026, 20:07, Aktualitet CNA

Aktivisti dhe ish-luftëtari i UÇK-së, Dritan Goxhaj ka publikuar 5 pika, që janë kërkesat e protestuesve.

Goxhaj në fjalën e mbajtur tha se protestuesit kërkojnë dorëheqjen e kryeministrit Rama, një qeveri tranzitore, hartimin e një Kushtetute të re apo dhe anulimin e disa ligjeve si ai për zonat e mbrojtura.

Po ashtu në kërkesat e protestuesve ishte dhe kufizimi i mandateve të një kryeministri, në jo më shumë se 2 mandate. Protestuesit kanë kërkuar dhe një kontratë mes qytetarëve dhe shtetit, e propozuar nga protestuesit.

 

 

5 kërkesat

-Dorëheqja e panegociueshme e Kryeministrit Edi Rama dhe e të gjithë kabinetit qeveritar.

-Krijimi i një qeverie teknike tranzitore, e cila do të jetë jopartiake dhe do të ketë një mandat të qartë 12-mujor.

-Hartimi i një Kushtetute të re që garanton barazinë e plotë të shtetasve para ligjit, e cila do të miratohet me referendum popullor. Kjo reformë kushtetuese parashikon:

Ndryshimin e Kodit Zgjedhor;

Ndryshimin e ligjit për financimin e partive politike dhe organizatave;

Kufizimin e mandatit të Kryeministrit në jo më shumë se dy mandate (të plota ose të pjesshme) gjatë gjithë jetës politike të një individi.

-Mosheqja dorë nga kërkesat fillestare ekonomike dhe mjedisore, ku kërkohet urgjentisht:

Anulimi i ndryshimeve në ligjin për “Zonat e Mbrojtura”;

Anulimi i ndryshimeve në ligjin për “Trashëgiminë kulturore”;

Shfuqizimi i paketës ligjore të njohur si “Paketa e Maleve”;

Shfuqizimi i statusit dhe kuadrit ligjor për “Investimet Strategjike”.

-Një kontratë e re sociale mes qytetarëve dhe shtetit, e cila do të përpilohet përmes konsultimeve me intelektualë, ekspertë teknikë dhe qytetarë apartiakë të propozuar direkt nga sheshi i protestës





Lajmet e fundit nga