web counter
LEXO PA REKLAMA!

SHKARKO APP

App Store
Google Play

“Seria e dosjeve kundër Ramës, sa mali i Dajtit”/ Berisha: U ka vjedhur 200 milionë euro taksapaguesve shqiptarë

22 Qershor 2026, 12:26, Aktualitet CNA

“Seria e dosjeve kundër Ramës, sa mali i Dajtit”/ Berisha:

Kreu i PD-së, Sali Berisha, ka hedhur akuza ndaj Kryeministrit Edi Rama se kur ishte kryetar bashkie ka vjedhur 200 milionë euro nga taksapaguesit shqiptarë.

Berisha deklaroi se seria e dosjeve që rëndon mbi Ramën është sa mali i Dajtit.

“Kryengritja paqësore e fuqishme apo protesta më e fuqishme paqësore e njohur në histori, mund të quhet 'weekend'-i i diasporës, i atyre që udhëtuan mijëra e mijëra kilometra dhe u bashkuan me bashkatdhetarët e tyre për largimin e regjimit autoritar.

Ky akt madhështor ka mbushur me besim dhe shpresë zemrat e shqiptarëve dhe kombit shqiptar.

Me vendimin dhe pjesëmarrjen e tyre, bashkatdhetarët tanë nga diaspora, në shumicë dërrmuese anëtarë dhe mbështetës të PD-së, që zgjodhën të mbështesin protestën qytetare për rrëzimin e Edi Ramës, pashiqit shqipfolës.

Manifestimi dhe rrethimi epik i epiqendrës së krimit është një arritje historike që e bën të pashpresë fund e krye sundimin e Ramës dhe mafies së tij në Shqipëri.

Thirrja ime për çdo demokrat, për çdo mbështetës të PD-së, të vazhdojë protestën më të fuqishme që ka njohur vendi në misionin e madh shpëtimtar ndaj vendit dhe kombit, largimin sa më parë të Edi Ramës, mbi të cilin rëndon një mal me dosje korrupsioni, mbi të cilin rëndojnë akte të tradhtisë më të lartë ndaj popullit shqiptar, rëndojnë vjedhje të tmerrshme të tij.

Vetëm në vitin 2014, Rama është akuzuar se ka depozituar si ish-kryetar bashkie në offshore 200 milionë euro të vjedhura taksapaguesve shqiptarë.

Seria e dosjeve është sa Mali i Dajtit prej shumave të miliardave që përfshijnë”, tha Berisha./ CNA





Lajmet e fundit nga