web counter
LEXO PA REKLAMA!

SHKARKO APP

App Store
Google Play

Përplasja e qytetarëve me gazetarin/ Shoqërohen dy persona

22 Qershor 2026, 07:24, Aktualitet CNA

Një konflikt mes disa qytetarëve dhe një gazetari është regjistruar mbrëmjen e së shtunës pranë sheshit “Skënderbej” në Tiranë.

Sipas Policisë, ngjarja ka ndodhur rreth orës 22:00, ndërsa pas njoftimit për konfliktin, në vendngjarje kanë ndërhyrë menjëherë shërbimet e Komisariatit të Policisë Nr. 3, të cilat kanë parandaluar përshkallëzimin e situatës dhe kanë shoqëruar në komisariat personat e përfshirë.

Gazetari O. S. ka kallëzuar se është sharë, ofenduar dhe gërvishtur nga shtetasit Z. N. dhe M. P., duke pësuar dëmtime të lehta.

Ndërkohë, sipas deklarimeve të Z. N. dhe M. P., konflikti ka nisur pas një debati verbal me gazetarin, i cili u kishte kërkuar llogari lidhur me mospraninë e tyre në protestën e zhvilluar në kryeqytet.

“Më datë 21.06.2026, rreth orës 22:00, pranë sheshit “Skënderbej”, është njoftuar Policia për një konflikt ndërmjet disa shtetasve.

Menjëherë në vendngjarje kanë ndërhyrë shërbimet e Komisariatit të Policisë Nr. 3, të cilat kanë parandaluar përshkallëzimin e konfliktit dhe kanë shoqëruar në Komisariat personat e përfshirë.

Konkretisht, shtetasin O. S., gazetar, i cili ka kallëzuar se është sharë, ofenduar dhe gërvishtur nga shtetasit Z. N. dhe M. P., duke pësuar dëmtime të lehta.

Nga ana tjetër, shtetasit Z. N. dhe M. P. kanë deklaruar se konflikti ka nisur pas një debati verbal me shtetasin O. S., pasi ky i fundit u ka kërkuar llogari lidhur me mospraninë e tyre në tubimin e zhvilluar në qytet.

Në lidhje me këtë rast po kryhen veprimet procedurale dhe hetimore, në bashkëpunim me Prokurorinë”, thuhet në njoftimin e policisë./ CNA





Lajmet e fundit nga