web counter
LEXO PA REKLAMA!

SHKARKO APP

App Store
Google Play

Protestat në vend/ Ambasadorja e Zvicrës: Element i rëndësishëm i çdo sistemi

22 Qershor 2026, 19:17, Aktualitet CNA

Ambasadorja e Zvicrës në Shqipëri, Ruth Huber, vizitoi Korçën në kuadër të çeljes së ekspozitës fotografike kushtuar fotografit zviceran Eugène Pittard, i cili në fillim të shekullit të 20-të dokumentoi përmes aparatit të tij jetën, traditat dhe kulturën shqiptare.

Gjatë qëndrimit në qytet, ambasadorja zhvilloi një takim me kryetarin e Bashkisë Korçë, ku u diskutuan çështje të bashkëpunimit dhe marrëdhënieve mes dy vendeve. Gjatë vizitës në Korçë, ambasadorja Huber u pyet edhe për protestat që po zhvillohen në Tiranë dhe në disa qytete të vendit, si dhe për mesazhin e saj ndaj institucioneve shqiptare.

Ajo u shpreh se kjo është një çështje politike, për të cilën një ambasadë e huaj duhet të tregohet e kujdesshme në qëndrimet e saj, por nënvizoi rëndësinë e demokracisë, pjesëmarrjes qytetare dhe forcimit të institucioneve.

 

“Kjo është një pyetje shumë politike dhe është e vështirë për t’u përgjigjur si një ambasadë e huaj. Natyrisht, ne përmes programit tonë të zhvillimit gjithashtu forcojmë demokracinë, me mbështetjen tonë ndaj parlamentit kombëtar, ndaj parlamenteve lokale. Ne kemi një mbështetje afatgjatë për shoqërinë civile, kështu që instrumentet demokratike dhe pjesëmarrja e njerëzve janë një element i rëndësishëm i çdo sistemi, ashtu si edhe në sistemin tonë në Zvicër”, tha ambasadorja Huber.

 

Vizita e ambasadores në Korçë vjen në kuadër të promovimit të lidhjeve kulturore mes Shqipërisë dhe Zvicrës, ndërsa ekspozita e fotografive të Pittard shërben si një urë lidhëse mes së kaluarës historike dhe interesit të përbashkët për trashëgiminë kulturore të të dy vendeve.





Lajmet e fundit nga