E fundit!

22:05 Politikë

“Filloi numërimi mbrapsht, kapitujt mbyllen brenda 2027-ës”/ Rama ndan videon nga Brukseli

Kryeministri Edi Rama ka ndarë një video nga Brukseli ku s...

‘Megaoperacioni’ i policisë në Korçë/ Kapet ‘Benzi’ me steka cigare, alkool dhe ilaçe

21 Maj 2022, 11:38, Kronika CNA

‘Megaoperacioni’ i policisë në Korçë/ Kapet

Policia e Korçës vijon me ‘operacionet’ e saj të mëdha. Së fundi ka kapur një ‘Benz’ brenda të cilit janë gjetur steka cigare, alkool dhe medikamente mjekësore.

Për të gjithë ata që nuk po e besojnë se sa i suksesshëm ka rezultuar ky operacion më poshtë po iu paraqesim njoftimin e policisë.

“Goditen 2 raste të kontrabandës me mallra.

Vihet në pranga 1 shtetas, procedohet penalisht 1 tjetër.

Sekuestrohen sasi me mallra ushqimore, paketa me cigare, pije alkoolike dhe një sasi medikamentesh mjekësore pa pullë fiskale, të dyshuara të kontrabanduara.

Specialistët për Hetimin e Krimit Ekonomik-Financiar në DVP Korçë, në vijim të punës për goditjen e aktivitetit të paligjshëm të kontrabandimit me mallra dhe medikamente mjekësore, goditën 2 raste të tjera.

Si rezultat u bë arrestimi në flagrancë i shtetasit O. C., 47 vjeç dhe filloi procedimi penal në gjendje të lirë për shtetasin Gj. F., 64 vjeç, banues në Korçë.

Shërbimet e Policisë, në rrugën Kapshticë-Bilisht, tek rrethrrotullimi i fshatit Miras, Devoll, gjatë kontrollit të ushtruar në automjetin tip “Benz”, me drejtues shtetasin O. C., gjetën një sasi me mallra ushqimore, paketa me cigare dhe pije alkoolike për të cilat ky shtetas nuk kishte kryer detyrimet doganore dhe dyshohet se do t’i tregtonte në minimarketin e tij, në lagjen nr. 15, Korçë.

Gjithashtu, në hyrje të qytetit të Bilishtit, gjatë kontrollit që shërbimet e Policisë ushtruan në automjetin tip “Benz”, me drejtues shtetasin Gj. F., u gjet dhe u sekuestrua një sasi me medikamente mjekësore, me mbishkrime në gjuhën greke, pa pullë fiskale, të dyshuara të kontrabanduara.

Materialet i kaluan Prokurorisë pranë Gjykatës së Shkallës së Parë Korçë, për veprat penale “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës” dhe “Kontrabanda me mallra të tjera”, thuhet në njoftim.

Por kjo nuk është hera e parë që Policia e Korçës kryen super operacione. Mjafton t’iu sjellim ndërmend aksionin ku u kap kontrabandë një dele duke kaluar kufirin.

“Specialistët e Seksionit për Hetimin e Krimit Ekonomik-Financiar në DVP Korçë filluan procedimin penal për veprën penale ‘Tregtimi dhe transportimi i mallrave që janë kontrabandë’, për shtetasin D. Xh., 58 vjeç, banues në fshatin Belorta, Korçë, pasi në fshatin Lajthizë, Pustec, ky shtetas u kap nga shërbimet e Stacionit të Policisë Kufitare Pustec, duke transportuar me mjetin kamionçinë ‘Benz’, një kokë gjedh, të pa matrikulluar dhe pa dokumentacionin përkatës të dyshuar si kontrabandë”, thuhej në njoftimin e Policisë./ CNA.al

Super-aksion i policisë në Korçë/ Kapet delja kontrabandë