E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Ministra, deputetë, prokurorë të përfshirë në 12 vrasje/ Lidhja e tyre me "killer"-in Nuredin Dumani

22 Maj 2022, 08:41, Kronika CNA

Prej tri ditësh po bëhen publike pazaret e vrasjeve. Shifra marramendëse të dhëna për ekzekutime të personave të ndryshme, përfshirë dhe gra.

Krimet makabre të servirura në formë biznesi u hodhën në tregun mediatik nga SPAK-u, pas dëshmisë së Nuredin Dumanit, njërit prej vrasësve.

U arrestuan disa “ushtarë” dhe u morën masat që të shpëtojnë ?kokat e krimit?, të identifikuar si Suel Çela, Talo Çela, Florenc Çapja, Ervis Martinaj dhe jo vetëm.

Por nga dëshmitë e ?ushtarëve? të arrestuar, të cilët dje janë njohur me masat e sigurisë, duket se jo të gjitha ?kokat e krimit?, janë në arrati.

Madje, ata të vërtetët janë në liri.

Dje në GJKKO, njëri nga të arrestuarit, Besjan Xhixha, ka shpërthyer duke thënë se pas Nuredin Dumanit qëndrojnë njerëz të veshur me pushtet. Si ministra, deputetë apo edhe prokurorë, siç është lakuar emri i prokurorit të SPAK-ut, ose më saktë kandidatit që synon të zëvendësojë Arben Krajën, Altin Dumani.

?Nuredin Dumani ka kryer 12 vrasje. Pas çdo vrasjeje na ka thënë se nuk më gjen asgjë, pasi ka lidhje me ministra, deputetë, prokurorë, madje më ka thënë që ka lidhje me prokurorin Altin Dumani. E ka njeriun e vetë dhe ndihej i mbrojtur. Dumani është strehuar më shumë sesa një vit e gjysmë në shtëpinë time dhe e njoh dhëmbë e dhëmballë, madje një dhëmb prej floriri e kemi vendosur te një i afërmi im, nëse doni shkoni e verifikoni. Dumani duhet të flasë për të gjitha krimet që ka kryer, nëse me të vërtetë është i penduar?, është shprehur dje në Gjykatë Besjan Xhixha.

Ashtu siç u bë publik fakti se Nuredin Dumani ishte bërë bashkëpunëtor i drejtësisë, ashtu u bë publike edhe dëshmia e Xhixhajt.

Por ende nuk ka një reagim, as nga prokurori që i është lakuar emri, dhe as nga SPAK-u për përfshirje të ministrave e deputetëve.

Nëse do të kishte drejtësi, ministrat, deputetët, prokurorët e lidhur me “killer”-in, Nuredin Dumani, i ndan vetëm një fije e hollë nga prangat, një fije që i bën ata imun.

Asnjë ministër, deputet apo prokuror, kushqo qoftë, nuk duhej të kishte imunitet përballë krimit.

Kjo duket se e ka munduar edhe kreun e SPAK-ut, Arben Kraja, i cili u shfaq i shqetësuar, i tensionuar dhe i nervozuar në konferencën për media, ku foli për operacionin ?Plumbi i artë?, operacion ky që u dekonspirua.

Kraja nuk mund të prekë, ministra, deputetë apo dhe kolegun e tij që synon t?i zërë vendin, pasi duket se preferon më shumë ish-ët./CNA.al