web counter
LEXO PA REKLAMA!

SHKARKO APP

App Store
Google Play

Presidenti i Finlandës bisedë telefonike me Putin/ Zbardhen diskutimet për anëtarësimin në NATO

16 Maj 2022, 15:12, Kosova & Bota CNA

Presidenti finlandez Sauli Niinistö ka zhvilluar një bisedë telefonike me presidentin rus Vladimir Putin, lidhur me situatën e krijuar mes dy shteteve pas dorëzimit të aplikimit të Finlandës dhe Suedisë për tu bashkuar me aleancën e NATO-s.

Në një intervistë për CNN, Niinistö tha se “tani situata ka ndryshuar” dhe se Finlanda në fakt po aplikon për anëtarësim në NATO.

Ai tregoi se Putin e ka cilësuar si një gabim anëtarësimin e Finlandës në NATO, ndërsa Niinistö i është përgjigjur se kjo gjë “nuk po e kërcënon Rusinë“.

Niinistö deklaroi se në përgjithësi biseda ishte “e qetë dhe e ftohtë” dhe se Putin nuk i përsëriti kërcënimet e tij të mëparshme për hakmarrje ndaj Finlandës.

I pyetur nëse kishte ndonjë gjë që e befasoi gjatë telefonatës, presidenti i Finladës u shpreh: ?Në fakt befasia ishte se ai e mori atë kaq qetë?.

?Duhet të keni parasysh se ajo që tha ai nuk do të thotë se nuk do të jemi gjatë gjithë kohës mirë, duhet të jeni të vetëdijshëm dhe të ndiqni atë që po ndodh realisht por deri tani duket se nuk ka probleme të menjëhershme?, deklaroi ai më tej.

Por ndryshe ngasa Putin i ka deklaruar Presidentit të Finlandës, mediat ndërkombëtare raportojnë se Rusia në fakt sot po lëviz raketat bërthamore drejt kufirit me Finlandën në kundërshtim me ofertën e NATO-s.

Për vite me radhë Rusia e ka konsideruar Finlandën “miqësore” për sa kohë që nuk është anëtarësuar në NATO. Duke iu referuar një videoje të trasmetuar nga një media ruse, është raportuar se shtatë raketa janë rrugës drejt Vyborgut me një divizion të tërë, që mendohet se do të krijojë një njësi ushtarake.

Pamjet u shfaqën në televizionin shtetëror rus teksa pretendohej se Moska mund të lëshonte armë bërthamore në kufirin e saj evropian nëse Suedia dhe Finlanda lejojnë bazat ushtarake në territoret e tyre./ CNA.al





Lajmet e fundit nga