web counter
LEXO PA REKLAMA!

SHKARKO APP

App Store
Google Play

E fundit!

x

Policia e Fierit "blindon" rrugët/ Vendosen 400 gjoba

8 Maj 2022, 20:56, Kronika CNA

Policia e Fierit ka gjobitur 400 shoferë, pas urdhrit të Drejtorit të Përgjithshëm të Policisë së Shtetit, Gledis Nano, për të shtuar kontrollet në rrugë.

Lajmin e ka bërë të ditur shefi i Sektorit të Qarkullimit Rrugor në DVP Fier, Kryekomisar Valentin Florini, i cili tha në një intervistë për mediat se po merren masa për parandalimin e aksidenteve rrugore.

Florini u bëri thirrje qytetarëve që të bashkëpunojnë me Policinë Rrugore dhe të kontribuojnë të gjithë së bashku për rritjen e parametrave të sigurisë rrugore.

Ai bëri të ditur se gjatë ditës së sotme janë vendosur 200 masa për tejkalim të normave të shpejtësisë, 29 përdorim të aparatit celular gjatë drejtimit të mjetit, 27 për mosvendosjen e rripit të sigurimit, 49 masa administrative për parakalime të gabuara, 7 masa administrative për drejtim të motomjetit pa kaskë mbrojtëse dhe 82 masa për shkelje të ndryshme të rregullave të qarkullimit./ CNA.al





Lajmet e fundit nga