web counter
LEXO PA REKLAMA!

SHKARKO APP

App Store
Google Play

Trafikanti i drogës “fluturoi në ajër” familjen/ “Bie” Policia, versionet që e turpërojnë

8 Maj 2022, 12:49, Kronika CNA

Një çift me një fëmijë tre muajsh janë përplasur mesditën e sotme nga një automjet luksoz në rrugën e Kavajës.

Makina luksoze Mercedes G Class, me shpejtësi skëterrë, është futur me semafor të kuq, duke përplasur çiftin dhe duke e hedhur disa metra më tutje, si dhe duke përmbysur karrocën me të miturin.

Pas aksidentit, drejtuesi i automjetit është larguar nga vendngjarja, ndërsa prindërit me fëmijën janë dërguar  në spitalin e Traumës.

Ngjarja është shoqëruar me mjegull nga ana policisë, nuk dihet nëse ka qenë e qëllimshme apo ju vjen nga mungesa e profesionalizmit.

Pasi është raportuar nga mediat me titra, është kujtuar edhe policia të dalë me një njoftim zyrtar, në të cilin thuhej se drejtuesi i mjetit është larguar nga vendi i ngjarjes dhe është shpallur në kërkim.

Më pas u raportua se automjeti luksoz drejtohej nga shtetasi Ilir Sulejmani, i cili u arrestua.

Në pak minuta ndërroi emri i drejtuesit të automjetit.

U raportua se bëhej fjalë për shtetasin Ajas Sulejmanin. Gazetarët në terren duke iu referuar Policisë, raportonin njëzëri se Ajas Sulejmani u arrestua.

Por, sërish varianti ka ndryshuar.

I arrestuari doli që ishte një mik i Ajas Sulejmanit, ndërsa ky i fundit ndodhet ende në kërkim.

Ndërkohë që në gjithë këtë amulli, policia nuk është dëgjuar dhe nuk ka dalë me një version për aksidentin.

Me një kërkim në google, rezulton se Ajas Sulejmani ka qenë në kërkim nga policia britanike që nga viti 2014, për trafik droge.

Ndërkohë që bridhte me makinë luksoze rrugëve të Tiranës, derisa sot, fluturoi në ajër një familje që po kalonte te vijat e bardha./CNA.al





Lajmet e fundit nga