web counter
LEXO PA REKLAMA!

SHKARKO APP

App Store
Google Play

E fundit!

x

Të dehur në timon dhe nën efektin e lëndëve narkotike/ Rrugorja ndëshkon shoferët “rebelë”

8 Maj 2022, 07:16, Kronika CNA

Policia ka vijuar me kontrollet në të gjitha rrugët e vendit, me qëllim parandalimin e aksidenteve rrugore.

Gjatë kësaj jave, policia ka pezulluar 348 leje drejtimi, nga të cilat: 216 për tejkalim shpejtësie, 80 për drejtim mjeti nën efektin e alkoolit apo në gjendje të dehur dhe 52 për qarkullim në sens të kundërt.

Gjithashtu janë arrestuar 97 drejtues mjetesh, nga këta: 54 për drejtim mjeti në gjendje të dehur dhe 43 për drejtim mjeti pa leje drejtimi.

Sipas njoftimit të policiës 4 drejtues mjetesh, janë arrestuar pasi janë kapur duke drejtuar automjetet, nën efektin e lëndëve narkotike.

Janë vendosur 15.635 masa administrative, si dhe janë goditur nga Policia Rrugore e Tiranës, 3 raste të korrupsionit aktiv ndaj punonjësve që ushtrojnë funksione publike.

Po ashtu Policia Kufitare ka shtuar kontrollet në pikat e kalimit, në kufirin e gjelbër dhe atë blu, me qëllim parandalimin dhe goditjen e paligjshmërisë dhe trafiqeve të paligjshme.

Gjatë kësaj jave janë kapur 7 shtetas në kërkim, nga të cilët 5 në kërkim kombëtar dhe 2 në kërkim ndërkombëtar.

Janë proceduar në gjendje të lirë 5 shtetas për veprën penale ?Kalimi i paligjshëm i kufirit?, 4 shtetas për ?Ndihma për kalim të paligjshëm të kufijve”, 3 shtetas për ?Falsifikimi i dokumenteve?, 2 persona për ?Trafikimi i narkotikëve?, si dhe 2 të tjerë për ?Kontrabanda me mallra të tjera?.

Gjithashtu, janë goditur 3 raste të mitëdhënies dhe janë proceduar penalisht 3 shtetas të cilët, për shkak të mangësive në dokumentacion, kanë tentuar të korruptojnë punonjësit e Policisë Kufitare.

Policia e Shtetit garanton qytetarët se është maksimalisht e përkushtuar për të luftuar me vendosmëri krimin e organizuar dhe krimin në përgjithësi, si dhe për t?u ofruar qyetarëve një shërbim sa më cilësor. Në këtë kuadër fton sërish qytetarët që të denoncojnë çdo paligjshmëri dhe çdo abuzim me detyrën nga ndonjë punonjës i Policisë, duke iu garantuar reagim të menjëhershëm dhe ligjor./ CNA.al





Lajmet e fundit nga