E fundit!

11:13 Aktualitet

Eskortat e burgjeve në protestë/ Dalin emrat “VIP” që mbështesin tubimin

Prej disa ditësh, një valë e re protestash ka nisur duke m...

I arrestuari ia mbathi në sy të policëve/ Nën hetim 4 efektivët

9 Maj 2022, 06:46, Kronika CNA

Agjencia e Mbikëqyrjes Policore bën me dije se po hetohen në gjendje të lirë 4 efektivë policie të Komisariatit të Policisë Korçë, pasi dyshohen për kryerjen e veprës penale Shpërdorim të detyrës.

Nën hetim janë Inspektor G. S, me detyrë Përgjegjës i zonave të sigurisë në Komisariatin e Policisë Korçë, inspektor F. S, me detyrë Trupë shërbimi i patrullës së përgjithshme, në Komisariatin e Policisë Korçë, inspektor E. S, me detyrë Trupë shërbimi i Patrullës së Përgjithshme, Komisar M. J, me detyrë Shef i Seksionit të Rendit në Komisariatin e Policisë Korçë.

4 efektivët e policisë dyshohen se kanë shpërdorur detyrën pasi një ditë më parë, i riu Kristian Medolli, u arratis në sy të tyre teksa pritej që Gjykata të jepte masën e sigurisë për të.

“Më datë 08.05.2022, Drejtoria Rajonale Elbasan – Korçë e AMP në konsultim edhe me Prokurorin e gatshëm, referoi materialet e para hetimore në gjendje të lirë për 4 punonjës të Komisariatit të Policisë Korçë, të dyshuar për kryerjen e veprës penale “Shpërdorimi i detyrës”.

Materialet hetimore u referuan në ngarkim të punonjësve të policisë;

Referimi u krye pasi më datë 08.05.2022, ndërsa punonjësit e policisë shoqëronin shtetasin K. M. në ambjentet e Gjykatës së Shkallës së Parë Korçë (person i arrestuar) për vlerësimin e masës së sigurisë, gjatë kohës që ky shtetas ka qenë duke hipur në mjetin e policisë, brenda ambjenteve të garazhdit të Gjykatës, u është larguar dy punonjësve të policisë dhe është kapur pak më pas nga shërbimet e Komisariatit të Policisë Korçë.

Nga veprimet hetimore ka rezultuar se dy punonjësit e policisë, G. S dhe F. S. nuk kanë përmbushur detyrën funksionale duke mos zbatuar detyrimet ligjore për mënyrën e shoqërimit të personave të arrestuar apo të ndaluar.

Po ashtu, rezulton se Inspektor E. S., në kundërshtim me procedurat standarde të punës dhe në cilësinë e përgjegjësit të patrullave, ka bërë njoftimin vetëm të njërit prej punonjësve të patrullës për shoqërimin në gjykatë të shtetasit K. M.

Gjithashtu, në lidhje me këtë ngjarje, dyshohet se punonjësi i policisë Komisar M. J., në cilësinë e eprorit të drejtpërdrejtë dhe në mungesë të Specialistit të Rendit, në kundërshtim me ligjin, nuk ka marrë masa për organizimin e shërbimeve për shoqërimin e shtetasit K. M.

Agjencia e Mbikëqyrjes Policore (AMP) mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, duke telefonuar në numrin pa pagesë 0800 90 90″, njofton Agjencia e Mbikëqyrjes Policore./ CNA.al