Rama “ultimatum” krerëve të PS-së/ Jeni zëdhënës, jo të merreni me punësime

7 Maj 2022, 08:22, Politikë CNA

Kryeministri Edi Rama gjatë fjalës së tij sot në mbledhjen e Asamblesë së PS-së, është ndalur te zgjedhjet për drejtuesit lokalë.

Gjatë fjalës së tij, Rama ka theksuar se drejtuesit lokalë nuk duhet të merren me punësime apo t’u bëjnë hije kryebashkiakëve, por duhet të jenë zëri i PS-së në terren.

?Në këtë kuadër, nga data 1 maj e deri më 15 qershor do të zhvillohet procesi i rizgjedhjes së 61 kryetarëve të degëve.

Kryesia ka ngritur një komision të posaçëm që do ti japë Kryesisë që në fillim të korrikut të miratojë kandidatët fitues.

Komisioni i këtyre zgjedhjeve do të ketë një detyrë të posaçme për të prekur gjithë territorin me përfaqësuesit e vet në mënyrë që mos tëketë as keqkuptime dhe as përjashtime.

Të gjithë kandidatët që do të kalojnë fazën e parë të kenë mundësi të ballafaqohen përballë një Asambleje Bashkie e cila duhet të jetë e hapur për këdo që dëshiron të marrë pjesë.

Pas ballafaqimit të kandidaturave, Komisioni do të bëjë propozimin e tyre dhe do t’ia paraqesë Kryesisë për miratimin përfundimtar.

Kemi rënë dakord në Kryesinë e Partisë se kudo që gara nxjerr në pah kandidatë që janë për t?u vlerësuar dhe të cilëve u duhet dhënë mundësia të drejtojnë partinë atëherë do të ecim me një balancë gjinore në drejtimin e partisë.

Përtej procedurës është e rëndësishme të mbahet parasysh se kjo nuk është një zgjedhje e radhës, por një zgjedhje me rëndësi të madhe për të ardhmen e PS-së, dhe jo vetëm për zgjedhjet e ardhshme vendore për të cilat ne kemi nisur punën dhe do t’i kushtojmë rëndësi pjesën e dytë të këtij viti dhe pjesën e parë të vitit që vjen.

Është domosdoshmëri që ne t’i japim drejtimit të partisë në territor një profil të ri politik që na mungon për hir të së vërtetës, një profil që na siguron që partia ka zë në territor, ku kryetarët e partisë nuk janë hije e kryetarëve të bashkisë, as konkurrentë dhe as burokratë që bëjnë politikën e kuadrit, jo njerëz që merren me punësime, por zëdhënës politikë të PS-së?-tha Rama./CNA.al