LEXO PA REKLAMA!

SHKARKO APP

Zgjedhja e drejtuesve të partisë në 61 bashki/ Rama zbulon detajet për kandidatët

7 Maj 2022, 08:17, Politikë CNA

Kryeministri Edi Rama ka zbuluar risitë që do të ketë në zgjedhjet e drejtuesve të partisë në 61 bashki. Gjatë fjalës së tij në Asamblenë Kombëtare ka dhënë detaje në lidhje me mënyrën se si do të bëhet përzgjedhja e kandidaturave për krerët e bashkive në zgjedhjet e 2023-shit.

?Nga ana tjetër kongresi i ka hapur rrugë një procesi të rëndësishëm për PS-në për të hyrë në zgjedhje për drejtuesit e partisë, në fillim për 61 bashkitë dhe më pas në të gjitha njësitë administrative. Ky është një proces që u jep mundësi anëtarësisë dhe simpatizantëve që të përfshihen në zgjedhjen e drejtuesve të rinj të partisë duke propozuar kandidatuara dhe pa qenë pjesë e Asamblesë ose duke përvetësuar kandidaturën vetjake. Nga ana tjetër procesi do të garantojë se të gjithë kandidatët për çdo bashki të kalojnë përmes një rruge që faktikisht jo vetëm garanton hapjen e partisë, por mundëson vlerësimin për çdo kandidaturë dhe siguron meritën në përzgjedhjen e tyre.

Bazuar në vendimin e marrë në librin e rregullave të partisë kryesia ka ngritur një komision të posaçëm zgjedhor për këtë proces që do të mbyllet në fund të qershorit.

Komisioni i këtyre zgjedhjeve do të ketë një detyrë të posaçme për të prekur të gjithë territorin me përfaqësuesit e vet dhe të shpjegojë procesin që të mos këtë keqkuptime dhe kandidatët që do të kalojnë fazën e parë të kenë mundësinë e ballafaqimit me një asamble të bashkisë.

Kudo që fara nxjerr në pah kandidatë që janë për t’u vlerësuar do të ecim me një balancë gjinore në drejtimin e partisë. Ne duhet që të shkojmë në bashkëdrejtimin e partisë?, tha Rama./ CNA.al

Lajmet e fundit nga