web counter
LEXO PA REKLAMA!

SHKARKO APP

App Store
Google Play

E fundit!

x

Ristani kërkon transformim të PD/ "Të mbahet sa më parë një debat i brendshëm"

30 Prill 2022, 15:35, Politikë CNA

Ish-deputeti i Partisë Demokratike, Arben Ristani, e quan një rikthim të mirëpritur atë të ish-kryeministrit Sali Berisha.

Gjatë fjalimit të tij, kandidati për Këshillin kombëtar të PD tha se ky Kuvend ka objektiva modeste, ndërsa nuk kurseu thirrjet për demokratët.

?Objektivat i ka modeste ky Kuvend, bëmë ndryshime në status do të zgjedhim Këshillin Kombëtar, por kryesorja është se Kuvendi do të konsolidojë rrugën e nisur të 11 Dhjetorit.

Kishte nevojë të rivendosje në qendër të vëmendjes. Unë besoj që nuk mund të nisim rrugën e duhur në rast se nuk kuptojmë shkaqet themelore të krizës. Kthimi i Sali Berishës ishte kthim i mirëpritur dhe i kërkuar nga demokratët?, u shpreh ai.

Ristani theksoi se duhet të mbahet sa më parë një debat  mbi çështjet e transformimit të brendshëm të Partisë Demokratike.

?Debati mbi çështjet e transformimit tonë të brendshëm duhet të fillojë sa më parë. Ai duhet të mbahet në shenjën e komunikimit të brendshëm dhe pa doreza, duke i angazhuar të gjithë pa asnjë përjashtim, ai duhet të mbahet në frymën e komunikimit të drejtpërdrejtë. Ky debat duhet të fokusohet edhe në hapjen e partisë.

Hapja nuk është kurrë individuale, është një lëvizje e pashtershme drejt pozitives, drejt kauzave të drejta qytetare, drejt dinjitetit të lirisë së individit. Me pak fjalë, shumë punë na pret përpara, jemi nën vëzhgimin e qeverisë, e cila ndoshta e cilëson PD si shansin e fundit drejt normalizimit?, deklaroi ish-deputeti./ CNA.al





Lajmet e fundit nga