“Paaftësia e Bashës pati një të mirë”/ Kadilli thirrje për Berishën nga Kuvendi

30 Prill 2022, 13:52, Politikë CNA

Ish-deputeti i PD Fatbardh Kadilli, ka folur me tone shprese për Partinë Demokratike gjatë deklaratës që ka mbajtur sot në foltoren e Kuvendit të PD.

Kadilli tha se paaftësia e Lulzim Bashës e pati një të mirë, që sipas tij është bashkimi i demokratëve që e shohin të largët rrugën e copëtimit.

?Kam zgjedhur të jem me ju sot sepse jam nga ata demokratë që nuk do ta braktis kurrë Partinë Demokratike edhe nëse e braktisin gjithë të tjerët. Nuk e kam braktisur PD-në as në ditët e saj më të vështira, sepse kjo është partia ime. E kam pritur të vijë. Kam dhënë një dorë në krijimin e saj dhe do të vazhdoj ta bëj gjithnjë.

Për këtë arsye, në një farë mënyre jam i gëzuar për mijëra e mijëra demorkatë të tjerë si unë që shohin sot një PD në rrugën e bashkimit dhe larg copëtimit që i kanosej vetëm pak muaj më parë. Duket se, më në fund, paaftësia e zotit Basha pati një të mirë. Nuk arriti të mobilizojë as të grupojë mbështetje masive që do ta ndante partinë.

Por nga ana tjetër, do të isha hipokrit nëse nuk do të thoja se faktori tjetër për moscoptimin e partisë ishte përpjekja e suksesshme e Zotit Berisha, rezultat i forcës dhe vullnetit të tij të paepur për të marrë në dorë kontrollin e partisë, është krijimi i një shumice thithëse në bazën e partisë.

Pa ironi, shpresoj që të gjithë demorkatët një ditë të gjejnë kurajën që ka Zoti Berisha për interesin e tij dhe të dinë ta përdorin për të luftuar për interesin e partisë dhe të Shqipërisë. Dhe kjo është arsyeja e dytë që unë jam këtu sot. Jam këtu sepse kam shpresë se PD mund të ndryshojë, se PD do të ndryshojë?, u shpreh ai.

Gjithashtu deputeti bëri edhe një thirrje për ish-kryeministrin Sali Berisha, të cilit i kërkoi që t?i hapë rrugën një brezi të ri, duke u bërë kështu i vetmi zë ndryshe në Kuvendin e PD.

?Një gjë është e sigurtë: nëse PD do të mbetet peng e të njejtave ide, e të njejtave qasje dhe e të njejtëve njerëz si në të shkuarën, shqiptarët nuk do e votojnë. Ne nuk mund t?i bëjmë bisht të vërtetës sonë: PD sot është PD-ja e vitit 2013. Për të koha ka mbetur në vend. Koha e shqiptarëve ka ecur përpara dhe e ka lënë PD-në pas.

PD sot duhet të kapë të ardhmen. Për këtë arsye, dua t?i bëj thirrje edhe një herë tjetër Zotit Berisha që të hapë rrugën për një brez tjetër në krye të PD-së, i cili mund të vijë nga një garë e lirë dhe e vërtetë. Një garë ku merr pjesë zoti Berisha nuk është garë e vërtetë. Në emër të së ardhmes dua t?i bëj thirrje këtij Kuvendi që të shprehë qartë: ndarjen nga çdo trashëgimi e keqe e së shkuarës sonë?, theksoi Kadilli mes të tjerash./ CNA.al