web counter
LEXO PA REKLAMA!

SHKARKO APP

App Store
Google Play

Berisha “kryqëzon” Bashën/ Tregon pazaret me Qeverinë

30 Prill 2022, 11:57, Politikë CNA

Ish-kryeministri dhe lideri historik i PD, Sali Berisha i është drejtuar me tone të forta sot ish-kryetarit të PD, Lulzim Basha.

Gjatë fjalës së tij në Kuvendin Kombëtar, Berisha tha se ishte papëgjegjshmëria e Bashës, ajo që çoi PD nga humbja në humbje.

Po ashtu Berisha tha se Lulzim Basha në vend të mbronte votën, bëri pazare me qeverinë.

?Demokratët do vendosin vetëm ata me votën e lirë. Ne u rithemeluam të sigurtë se ashtu siç përmbysëm 30 vite më parë, diktaturën staliniste më të egër të Europës do përmbysim tiraninë e narkoshtetit të vetëm në Europë. Tiraninë e baronëve të drogës të kryesuar nga Edi Rama.

Rruga e rithemelimit të PD, që nisi me Foltoren e njerëzve të lirë ishte rruga që na u imponua, ishte jetike për demokracinë e vendit. U imponua sepse në 8 vite po kalonim nga disfata në disfatë, në dështimi në dështim. Të gjitha këto për shkak të një drejtuesi të papërgjegjshëm, Lulzim Basha i cili e konsideroi këtë parti si sipërmarrjen e tij private. Parimet dhe vlerat konservatore i zëvëndësoi me pazare me Qeverinë, i cili së fundi përfundoi i mbërthyer nga të tëra anët dhe u vërsul me praktika, qëndrime, fund e krye anti-demokratike. Shkelmoi sovranitetin e PD, forumet statutin anëtarësinë e saj. Ne pas zgjedhjeve të 25 prillit, të cilat ishin zgjedhjet më të dhunuara në historinë e Shqipërisë, ky zotëri në vend të merrte përsipër avokatine e votës filloi pazaret me narkoqeverinë, votoi borxhet dhe në mënyrën më skandaloze bllokoi komisionin hetimor të zgjedhjeve, duke tradhëtuar në këtë mënyrë cdo demokrat që votoi për PD.?-tha Berisha./CNA.al





Lajmet e fundit nga