web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi Kombëtar miraton ndryshimet statutore të PD

30 Prill 2022, 10:32, Politikë CNA

Kuvendi Kombëtar i PD ka miratuar ndryshimet për statutin e PD. Janë 11 nene të Statutit që janë ndryshuar, të cilat po  sjellim më poshtë.

Kryesia e Degës nga 17-13 anëtarë që ishte  do të përbëhet nga 17-27 anëtarë të zgjedhur nga Kuvendi i Degës sipas përcaktimit që i bën këtij numri, për secilën degë, Kryesia e PDSH. Kryetari dhe Sekretari i Degës bëjnë pjesë në këtë numër.

Një tjetër ndryshim është se në kryesinë e partisë do të jenë edhe Kryetari i Forumit Rinor të Partisë Demokratike si dhe kryetarja e Lidhjes Demokratike të Gruas së Shqipërisë.

?Këshilli Kombëtar përbëhet nga Kryetari i PDSH-së dhe 150 anëtarë të zgjedhur me votim të fshehtë nga Kuvendi Kombëtar. Brenda këtij numri, janë anëtarë të Këshillit Kombëtar pa iu nënshtruar procesit të votimit, ish-Presidentët, ish-Kryeministrat, ish-Kryetarët e Kuvendit dhe ish-Kryetarët e PDSH-së, që janë anëtarë të PDSH-së në momentin e mbledhjes së Këshillit Kombëtar. Janë automatikisht kandidatë: a) anëtarët në detyrë të Kryesisë së Partisë; b) kryetarët e degëve të PDSH-së; c) deputetët dhe ministrat në detyrë, anëtarë të PDSH-së; ç) kryetarët e Bashkive dhe Kryetarët e Këshillave të Bashkive dhe të Qarkut, që i përkasin Partisë Demokratike?, thuhet në ndryshimet statutore.

Në përputhje me mundësitë e saj financiare, Partia Demokratike ndërton aparatin e saj qendror administrativ i cili funksionon sipas një rregulloreje të brendshme. Aparati qendror administrativ drejtohet nga Administratori i Përgjithshëm i Partisë, i cili emëron dhe shkarkon personelin e kësaj administrate. Struktura e aparatit qendror administrativ përcaktohet me vendim të Kryesisë së Partisë. Administratori i Përgjithshëm emërohet dhe shkarkohet me vendim të Kryesisë së Partisë./CNA.al





Lajmet e fundit nga